Ráðstefna evrópskra þingforseta í Slóveníu
Forseti Alþingis, Birgir Ármannsson, sækir ráðstefnu evrópskra þingforseta 28.–29. mars í boði forseta þjóðþings Slóveníu. Til ráðstefnunnar er boðið forsetum þjóðþinga aðildar- og umsóknarríkja ESB, auk forseta þjóðþinga EFTA-ríkja. Á dagskrá eru m.a. umræður um hlutverk þjóðþinga á hættu- og neyðartímum, viðbrögð við heimsfaraldri, innrásina í Úkraínu og hvernig tryggja megi lýðræðislega stjórnarhætti.
Samhliða ráðstefnunni mun forseti Alþingis sækja sérstakan fund þingforseta EFTA-ríkjanna og fund þingforseta Norðurlanda og Eystrasaltsríkja.
Frá ráðstefnu evrópskra þingforseta 28.–29. mars í Slóveníu.
© Matija Sušnik
