Alþingi - Alþingi

Óundirbúnar fyrirspurnir mánudaginn 23. mars

Sat, 21 Mar 2020 18:51:00 +0000

Óundirbúnar fyrirspurnir til ráðherra verða á dagskrá við upphaf þingfundar mánudaginn 23. mars kl. 10:30. Þá verða til svara forsætisráðherra, fjármála- og efnahagsráðherra, heilbrigðisráðherra og utanríkis- og þróunarsamvinnuráðherra.

Þingskjölum útbýtt á vef Alþingis laugardaginn 21. mars

Sat, 21 Mar 2020 17:09:00 +0000

Eftirfarandi þingskjölum var útbýtt utan þingfundar laugardaginn 21. mars:

Þingskjölum útbýtt á vef Alþingis fimmtudaginn 19. mars

Thu, 19 Mar 2020 23:20:00 +0000

Eftirfarandi þingskjölum var útbýtt á vef Alþingis fimmtudaginn 19. mars:

Þrír starfsmenn smitaðir og í einangrun

Thu, 19 Mar 2020 16:04:00 +0000

Viðbragðsteymi Alþingis greindi frá því síðdegis í dag að niðurstaða úr skimun hefur leitt í ljós að tveir starfsmenn skrifstofunnar hafa bæst í hóp þeirra sem eru smitaðir af kóróna-veirunni, en einn var smitaður fyrir eins og greint var frá 17. mars sl. Báðir þessir starfsmenn voru komnir í sóttkví vegna samskipta við þann sem smitaðist fyrst, en starfsmennirnir þrír hafa starfsstöð í sama húsi, Skúlahúsi, við Kirkjustræti. Smitun er eftir því sem best er vitað eingöngu bundin við það hús. Annað starfsfólk hefur ekki verið sett í sóttkví af smitrakningarteymi Almannavarna í framhaldi af þessu smiti. Þeim sem hafa verið í samskiptum við starfsmennina hefur verið greint frá stöðunni.

Forsætisnefnd tekur starfsáætlun Alþingis úr sambandi til og með 20. apríl

Thu, 19 Mar 2020 13:36:00 +0000

Forsætisnefnd samþykkir að taka úr sambandi starfsáætlun Alþingis fyrir 150. löggjafarþing frá og með deginum í dag að telja og til og með 20. apríl fyrst um sinn. Á þeim tíma verða eingöngu boðaðir þingfundir til að takast á við brýn mál sem tengjast COVID-19 heimsfaraldrinum. Brottfall starfsáætlunar þýðir einnig að komið getur til þingfunda á þeim tíma sem áður var reiknað með fundahléi um páska, en þá eingöngu af sömu ástæðum, þ.e. ef brýnt verður að grípa til ráðstafana vegna ástandsins og atbeina Alþingis þarf til.

Tillögur um endurskoðun kosningalaga í opið samráðsferli

Wed, 18 Mar 2020 17:01:00 +0000

Starfshópur um endurskoðun kosningalaga hefur nú útbúið drög að frumvarpi til kosningalaga. Óskað er eftir umsögnum og athugasemdum eigi síðar en 8. apríl 2020. Að loknu samráðsferli mun starfshópurinn fara yfir athugasemdir sem berast og í kjölfarið skila forseta Alþingis fullbúnu frumvarpi.

Umsóknir um dvöl í íbúð fræðimanns í Kaupmannahöfn 2020–2021

Wed, 11 Mar 2020 14:41:00 +0000

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota frá ágústlokum 2020 til sama tíma að ári. Umsóknir um íbúðina skulu hafa borist skrifstofu Alþingis eigi síðar en þriðjudaginn 14. apríl næstkomandi.