Virðulegur forseti. Mig langar að taka örstutt til máls í lokin á þessari umræðu. Það hefur verið reynt að láta það kvisast út einhvern veginn að Píratar séu voðalega mikið á móti kirkjunni af því að við tölum á móti þessum hryllilega, ömurlega, lélega samningi. Það er náttúrlega algjört bull, við viljum alla jafna lífsskoðunarfélögum allt hins besta þótt það sé velflest ímyndunaruppspuni í trúfélögunum þegar allt kemur til alls. En til þess að hafa það algjörlega á hreinu snýst öll gagnrýni okkar um þennan hryllilega lélega samning en ekki um einstakar skoðanir fólks, lífsskoðanir eða trúfélagaskoðanir. Ég tek þetta bara fram til að hafa það algjörlega á hreinu.