fjármálafyrirtæki.
Virðulegi forseti. Ég þakka hv. þingmanni andsvarið. Það má eiginlega segja að með þeirri lagabreytingu sem verið er að gera sé á ferð lögskýring. Við erum einungis að skýra það efnislega sem kom fram í tilskipuninni sem um ræðir en var að mati hins breska dómstóls ekki skýrt nógu vel í þeim íslensku lögum á Alþingi sem sett voru og byggð á grunni þeirrar tilskipunar. Hér erum við sem sagt að ræða lögskýringu en ekki efnislega breytingu á lögunum því að tilskipunin er alveg skýr. Við erum einungis að árétta að íslensku lögin endurspegli efni tilskipunarinnar.