alþjóðleg þróunarsamvinna Íslands o.fl.
Hæstv. forseti. Ég er fyrst og fremst döpur við þessa atkvæðagreiðslu vegna þess að ég hef áhyggjur af því að hér með sé verið að draga úr faglegum gæðum þróunarsamvinnu og það í heimi sem þarf svo sannarlega á því að halda að ríkari þjóðir heimsins leggi hinum fátækari lið. Þróunarsamvinnustofnun er stofnun sem hefur staðið sig alveg gríðarlega vel og ætti að mínu mati að starfa áfram á sinn faglega hátt. Ég verð hins vegar að vona að hæstv. utanríkisráðherra geti staðið við stóru orðin um að þetta verði allt í lagi en ég mun fylgjast mjög grannt með þessum málaflokki í framtíðinni og áskil mér allan rétt til að koma með gagnrýni ef mér sýnist ekki ganga nógu vel.
Ég segi nei við þessu.