fjáraukalög 2015.

Virðulegur forseti. Þriðja árið í röð erum við að greiða atkvæði um fjáraukalög þar sem mörg hundruð milljónum er varið í Framkvæmdasjóð ferðamannastaða. Það sýnir að ríkisstjórnin ræður ekki við það verkefni sem blasir við þjóðinni í miklum straumi ferðamanna og þarf þess vegna ár eftir ár að slumpa fjármunum eftir á í þessa uppbyggingu. Það er alveg glatað að menn skuli ekki geta búið til áætlanir, fylgt þeim og gert þetta sómasamlega.