breyting á ýmsum lögum vegna fjárlaga 2018.

Herra forseti. Stjórnarandstaðan leggur fram afskaplega hófstilltar tillögur, annars vegar um að barnabætur byrji ekki að skerðast fyrr en við 300.000 kr. mánaðarlaun, sem verða lágmarkslaun á árinu 2018, og hins vegar um að eignamörk vegna vaxtabóta hækki um 5,2 milljónir þó að hærri hækkun hefði sannarlega verið réttlætanleg.

Ég kalla eftir samstöðu í þinginu um þessi tvö mikilvægu mál sem snúast um öflug stýritæki til að vinna gegn ójöfnuði í samfélaginu. Þetta eru hvoru tveggja mjög árangursrík stýritæki til að beita gegn ójöfnuði, til að auka jöfnuð í samfélaginu. Ég kalla eftir samstöðu, að við skoðum málið heildstætt og föllumst á að hér er um réttlætismál að ræða.