fjárlög 2018.
Herra forseti. Eins og fram hefur komið er hér lagt til að hækka framlög til Sameinuðu þjóðanna um 100 milljónir. Framlag Íslands til Sameinuðu þjóðanna fyrir næsta ár er 0,023% af rekstri Sameinuðu þjóðanna. Þetta er fyrst og fremst táknræn aðgerð vegna þess að Bandaríkjaforseti hefur boðað 37% niðurskurð á framlögum til Sameinuðu þjóðanna. Málið er alvarlegt. Yfirstjórn Sameinuðu þjóðanna hefur sent frá sér yfirlýsingu vegna þessa. Þetta mun bitna á friðargæslu, barnahjálp, þróunaraðstoð, friðarviðræðum, kjarnorkueftirliti og mannúðaraðstoð. Við leggjum hér til þessa lágu upphæð í raun og veru en hún er táknræn til að sýna stuðning okkar.
Þingmaðurinn segir já.