veiðigjald.

Herra forseti. Ég held að það muni ekkert skorta upp á rökstuðning í þeim málum. Það verður auðvitað kallað eftir þeim rökstuðningi í vinnu atvinnuveganefndar. Stærstu útgerðirnar sækja hráefni sitt, t.d. bolfiskinn, langt út á mið þar sem yfirleitt er miklu stærri og betri þorskur og menn fá miklu hærra verð fyrir hvert kíló. Minni útgerðir þurfa að vera nær landi og oftar en ekki fáum við minni þorsk þess vegna, kannski lélegra hráefni, og fáum lægra verð á fiskmörkuðum. Það eru til tölur um að meðalverð á t.d. þorski endurspeglar ekki einhvern stuðul sem notaður er í reiknireglu varðandi afkomu. Þetta getur munað mjög miklu, kannski 160 kr. á kíló af þorski hjá litlum útgerðum þegar kílóverðið getur (Forseti hringir.) farið langt yfir 200 kr. hjá þeim stóru með gott hráefni af úthafsmiðum.