fjárlög 2019.
Hæstv. forseti. Ég þakka hv. þingmanni spurningarnar. Fyrst varðandi það hvort við förum að lögum um opinber fjármál. Svarið er einfalt: Já. En við erum vissulega að feta þessa nýju stigu, sem er mjög áhugavert, ég og hv. þingmaður í sameiningu ásamt félögum okkar í hv. fjárlaganefnd. Það er áhugavert að við séum að ná að fara þessa leið í samfellu, að feta þessa stigu frá fjármálastefnu í ríkisfjármálaáætlun til fjárlaga og síðan að fylgja þessu eftir í framkvæmd fjárlaga og fara yfir skýrslur frá ráðherrum þangað til við förum í endurmetna ríkisfjármálaáætlun.
Varðandi samgöngurnar á það við þar eins og um önnur ráðuneyti, og það dregur fram agann, að þarna er verið að hliðra til verkefnum í samvinnu við Vegagerðina.
Afturvirkt? Við höfum ekki séð neinar tillögur. Tökum ákvörðun um það þegar við fáum mál inn varðandi breytingar á örorkubótakerfinu.