fjárlög 2019.

Virðulegur forseti. Þessi tillaga er samhljóða þeirri sem ég gerði grein fyrir atkvæði mínu gagnvart hér fyrir skömmu, nema hún snýr að ellilífeyrisþegum. Þar er gert ráð fyrir 3,6% hækkun viðmiðunarfjárhæðar á næsta ári, sömu prósentutölu og gert er ráð fyrir í verðbólgu í efnahagslegum forsendum fjárlaga. Það er alveg ljóst þegar horft er á efnahagslegar forsendur þessara fjárlaga að það er hætta á því að verðbólgan geti orðið meiri, miðað við núverandi stöðu á gengi krónunnar í það minnsta, auk þess sem verðbólga þessa árs virðist þegar stefna í að verða talsvert meiri en ráð var fyrir gert í þeim sömu forsendum.

Ég tel þetta því lágmarkshækkun þessara viðmiðunarfjárhæða, að tryggja þessum viðkvæma hópi 1% kaupmáttaraukningu og koma í veg fyrir að hann dragist aftur úr öðrum þjóðfélagshópum.

Ég segi já.