137. löggjafarþing — 44. fundur, 15. júlí 2009.
þingfundur, nefndafundir og upplýsingar varðandi ESB-aðild.
Forseti vill upplýsa um þetta enda gerir hann sér grein fyrir því að margir nýir þingmenn eru hér á þinginu. En það hefur viðgengist þegar þingstörfum fer að ljúka að fastir nefndatímar eru ekki lengur viðhafðir heldur gefnir nefndadagar. Á morgun og á föstudaginn eru nefndadagar. Það er föst venja í þinginu þegar svona stendur á og hafa þingmenn ekki gert athugasemdir við það.