139. löggjafarþing — 54. fundur, 18. des. 2010.
brunavarnir.
79. mál
Virðulegi forseti. Ég fagna því eins og aðrir að fengist hefur niðurstaða í þetta mikla deilumál sem valdið hefur miklum óróa innan stjórnarflokkanna og á Alþingi um hvernig með eigi að fara. Ég vil hins vegar vekja athygli á því að Alþingi er núna að lögfesta í fyrsta skipti að fulltrúar tveggja valdablokka innan Vinstri hreyfingarinnar – græns framboðs, fulltrúar villikattanna og fulltrúar heimiliskattanna, skuli setjast niður og tala saman og er ekki seinna vænna.