fjárlög 2018.
Herra forseti. Það er nú út af fyrir sig ágætt að hv. þingmaður er glöð og ánægð með frumvarpið þó að ég geti ekki glaðst með henni. Hér fyrr í dag þegar var verið að afgreiða bandorminn svokallaða. Þá féll stjórnarmeirihlutinn frá því að rukka nemendur í iðn- og verknámi um sérstakt skólagjald eða efnisgjöld. Það þýðir að það vantar 300 millj. kr. inn í rekstur framhaldsskólans.
Ég var að blaða í skjölum hér frammi. Ég sé ekki breytingartillögu á móti sem færir framhaldsskólunum 300 milljónir í rekstrarfé. Er það svo að framhaldsskólunum sé ætlað að skera niður 300 milljónir vegna þess að stjórnarmeirihlutinn féll frá því í stórsókninni í menntamálum að rukka verknámsnemendur um efnisgjald?