meðferð krónueigna sem háðar eru sérstökum takmörkunum og gjaldeyrismál.

Forseti. Forseti væri svo sannarlega að setja ný viðmið hér, bæði með tilliti til þess sem hann sem þingmaður áratugum saman hefur sagt í þessum ræðustól, þeirra orða sem hann hefur látið falla um aðra þingmenn, og líka vegna nýrra viðmiða sem hann væri að setja fyrir alla aðra þingmenn sem sæti eiga á Alþingi núna ef ekki væri fyrir þá staðreynd að nú hefur ítrekað komið í ljós að forseti virðist ekki láta sömu viðmið ganga yfir alla þingmenn. Með öðrum orðum er sérstaklega leitað, að því er virðist, að tilefnum til að setja ofan í við þingmenn Miðflokksins sérstaklega á meðan þingmenn annarra flokka komast margir hverjir upp með hreint ótrúlega framkomu í þingsal úr þessum ræðustól.