Alþingiskosningar 1987
Samkvæmt stjórnarskrárbreytingu sem Alþingi gerði vorið 1984 varð kosningaaldur 18 ár. Þingmönnum var fjölgað um þrjá og tekin upp ný aðferð við úthlutun þingsæta til kjördæma, regla stærstu leifar, en d'Hondt-reglu var beitt við úthlutun jöfnunarþingsæta eins og verið hafði. Landfræðileg kjördæmaskipting var óbreytt. Meginmarkmið breytinganna var að þingstyrkur flokka endurspeglaði kjörfylgi þeirra og einnig var dregið úr hinum mikla mun sem orðinn var á vægi atkvæða eftir kjördæmum.
Sú breyting varð með lögum nr. 66/1984, um breytingar á lögum um kosningar til Alþingis, að allir jöfnunarþingmenn voru tengdir kjördæmum, utan einn, sem fékk af þessu viðurnefnið flakkari. Í kosningunum 1987 kom flakkarinn í hlut Vesturlandskjördæmis.
Samkvæmt kosningalögum áttu reglulegar alþingiskosningar að fara fram síðasta laugardag júnímánaðar en með bráðabirgðaákvæði í lögum nr. 2/1987 var kjördagur ákvarðaður laugardaginn 25. apríl.
Alls lögðu tíu stjórnmálasamtök fram framboðslista við alþingiskosningarnar 1987. Sjö þeirra buðu fram í öllum kjördæmum: Alþýðubandalag, Alþýðuflokkur, Borgaraflokkur, Flokkur mannsins, Framsóknarflokkur, Samtök um kvennalista og Sjálfstæðisflokkur.
Þjóðarflokkurinn bauð fram í Vesturlandskjördæmi, Vestfjarðakjördæmi, Norðurlandskjördæmi vestra, Norðurlandskjördæmi eystra og Austurlandskjördæmi.
Bandalag jafnaðarmanna bauð fram í Reykjavíkurkjördæmi og Reykjaneskjördæmi en Samtök um jafnrétti og félagshyggju buðu einungis fram í Norðurlandskjördæmi eystra. Var síðastnefnda framboðið hið eina þeirra sem ekki bauð fram í öllum kjördæmum sem fékk fulltrúa kjörinn á þing.
| Um kosningarnar | ||
| Kjördagur | 25. apríl 1987 | |
| Mannfjöldi | 244.157 | |
| Kjósendur á kjörskrá | 171.402 | |
| Hlutfall kosningarbærra af heildarmannfjölda | 70,0% | |
| Greidd atkvæði | 154.438 | |
| Kosningaþátttaka | 90,1% | |
| Hlutfall kjósenda af heildarmannfjölda | 63,2% | |
| Kosningaþátttaka karla | 90,5% | |
| Kosningaþátttaka kvenna | 89,7% | |
| Kjördæmakjörnir þingmenn | 50 | |
| Jöfnunarþingmenn | 13 | |
| Heildarfjöldi þingmanna | 63 | |
| Kosningaúrslit | ||
| Gild atkvæði | 152.722 | |
| Sjálfstæðisflokkur | 27,2% | 18 þingmenn |
| Framsóknarflokkur | 18,9% | 13 þingmenn |
| Alþýðuflokkur | 15,2% | 10 þingmenn |
| Alþýðubandalag | 13,3% | 8 þingmenn |
| Borgaraflokkur | 10,9% | 7 þingmenn |
| Samtök um kvennalista | 10,1% | 6 þingmenn |
| Flokkur mannsins | 1,6% | |
| Þjóðarflokkur | 1,3% | |
| Samtök um jafnrétti og félagshyggju | 1,2% | 1 þingmaður |
| Bandalag jafnaðarmanna | 0,2% | |
| Jöfnunarþingmenn | ||
| Borgaraflokkur | 4 | |
| Samtök um kvennalista | 4 | |
| Sjálfstæðisflokkur | 4 | |
| Alþýðuflokkur | 3 | |
| Kjördæmi og þingmenn 1987 | |
| Reykjavíkurkjördæmi | 18 þingmenn |
| Reykjaneskjördæmi | 11 þingmenn |
| Vesturlandskjördæmi | 6 þingmenn |
| Vestfjarðakjördæmi | 5 þingmenn |
| Norðurlandskjördæmi vestra | 5 þingmenn |
| Norðurlandskjördæmi eystra | 7 þingmenn |
| Austurlandskjördæmi | 5 þingmenn |
| Suðurlandskjördæmi | 6 þingmenn |
| Þingmenn að loknum alþingiskosningum 25. apríl 1987 | |
| Reykjavíkurkjördæmi | |
| Kjördæmakjörnir þingmenn | |
| 1. Friðrik Sophusson | Sjálfstæðisflokkur |
| 2. Birgir Ísleifur Gunnarsson | Sjálfstæðisflokkur |
| 3. Ragnhildur Helgadóttir | Sjálfstæðisflokkur |
| 4. Jón Sigurðsson | Alþýðuflokkur |
| 5. Albert Guðmundsson | Borgaraflokkur |
| 6. Guðrún Agnarsdóttir | Samtök um kvennalista |
| 7. Svavar Gestsson | Alþýðubandalag |
| 8. Eyjólfur Konráð Jónsson | Sjálfstæðisflokkur |
| 9. Jóhanna Sigurðardóttir | Alþýðuflokkur |
| 10. Guðmundur G. Þórarinsson | Framsóknarflokkur |
| 11. Guðmundur Ágústsson | Borgaraflokkur |
| 12. Kristín Einarsdóttir | Samtök um kvennalista |
| 13. Guðrún Helgadóttir | Alþýðubandalag |
| 14. Guðmundur H. Garðarsson | Sjálfstæðisflokkur |
| Jöfnunarþingmenn | |
| 15. Jón Baldvin Hannibalsson | Alþýðuflokkur |
| 16. Aðalheiður Bjarnfreðsdóttir | Borgaraflokkur |
| 17. Geir H. Haarde | Sjálfstæðisflokkur |
| 18. Þórhildur Þorleifsdóttir | Samtök um kvennalista |
| Reykjaneskjördæmi | |
| Kjördæmakjörnir þingmenn | |
| 1. Matthías Á. Mathiesen | Sjálfstæðisflokkur |
| 2. Ólafur G. Einarsson | Sjálfstæðisflokkur |
| 3. Steingrímur Hermannsson | Framsóknarflokkur |
| 4. Kjartan Jóhannsson | Alþýðuflokkur |
| 5. Geir Gunnarsson | Alþýðubandalag |
| 6. Salome Þorkelsdóttir | Sjálfstæðisflokkur |
| 7. Júlíus Sólnes | Borgaraflokkur |
| 8. Jóhann Einvarðsson | Framsóknarflokkur |
| 9. Karl Steinar Guðnason | Alþýðuflokkur |
| Jöfnunarþingmenn | |
| 10. Kristín Halldórsdóttir | Samtök um kvennalista |
| 11. Hreggviður Jónsson | Borgaraflokkur |
| Vesturlandskjördæmi | |
| Kjördæmakjörnir þingmenn | |
| 1. Alexander Stefánsson | Framsóknarflokkur |
| 2. Friðjón Þórðarson | Sjálfstæðisflokkur |
| 3. Eiður Guðnason | Alþýðuflokkur |
| 4. Skúli Alexandersson | Alþýðubandalag |
| Jöfnunarþingmaður | |
| 5. Ingi Björn Albertsson | Borgaraflokkur |
| Flakkari | |
| 6. Danfríður Skarphéðinsdóttir | Samtök um kvennalista |
| Vestfjarðakjördæmi | |
| Kjördæmakjörnir þingmenn | |
| 1. Matthías Bjarnason | Sjálfstæðisflokkur |
| 2. Ólafur Þ. Þórðarson | Framsóknarflokkur |
| 3. Karvel Pálmason | Alþýðuflokkur |
| 4. Þorvaldur Garðar Kristjánsson | Sjálfstæðisflokkur |
| Jöfnunarþingmaður | |
| 5. Sighvatur Björgvinsson | Alþýðuflokkur |
| Norðurlandskjördæmi vestra | |
| Kjördæmakjörnir þingmenn | |
| 1. Páll Pétursson | Framsóknarflokkur |
| 2. Pálmi Jónsson | Sjálfstæðisflokkur |
| 3. Stefán Guðmundsson | Framsóknarflokkur |
| 4. Ragnar Arnalds | Alþýðubandalag |
| Jöfnunarþingmaður | |
| 5. Jón Sæmundur Sigurjónsson | Alþýðuflokkur |
| Norðurlandskjördæmi eystra | |
| Kjördæmakjörnir þingmenn | |
| 1. Guðmundur Bjarnason | Framsóknarflokkur |
| 2. Halldór Blöndal | Sjálfstæðisflokkur |
| 3. Árni Gunnarsson | Alþýðuflokkur |
| 4. Steingrímur J. Sigfússon | Alþýðubandalag |
| 5. Valgerður Sverrisdóttir | Framsóknarflokkur |
| 6. Stefán Valgeirsson | Samtök um jafnrétti og félagshyggju |
| Jöfnunarþingmaður | |
| 7. Málmfríður Sigurðardóttir | Samtök um kvennalista |
| Austurlandskjördæmi | |
| Kjördæmakjörnir þingmenn | |
| 1. Halldór Ásgrímsson | Framsóknarflokkur |
| 2. Hjörleifur Guttormsson | Alþýðubandalag |
| 3. Jón Kristjánsson | Framsóknarflokkur |
| Jöfnunarþingmaður | |
| 4. Egill Jónsson | Sjálfstæðisflokkur |
| Suðurlandskjördæmi | |
| Kjördæmakjörnir þingmenn | |
| 1. Þorsteinn Pálsson | Sjálfstæðisflokkur |
| 2. Jón Helgason | Framsóknarflokkur |
| 3. Eggert Haukdal | Sjálfstæðisflokkur |
| 4. Margrét Frímannsdóttir | Alþýðubandalag |
| 5. Guðni Ágústsson | Framsóknarflokkur |
| Jöfnunarþingmaður | |
| 6. Óli Þ. Guðbjartsson | Borgaraflokkur |
