Alþingiskosningar 1892
Átök um stjórnarskipunarmál og stöðu Íslands í danska ríkinu einkenndu stjórnmálaumræðuna á kjörtímabilinu fyrir þingkosningarnar 1892. Lögð var fram á Alþingi miðlunartillaga sem ætlað var að koma til móts við sjónarmið danskra stjórnvalda og auðvelda lausn stjórnlagadeilunnar en hún mætti mikilli andspyrnu og varð brátt úr sögunni. Þrátt fyrir það var andstaða við hugmyndafræði miðlunarinnar mikils ráðandi í aðdraganda þingkosninganna haustið 1892. Þá tíðkaðist að frambjóðendur kynntu sig og málefni sín á kjörfundi og bera blaðafregnir samtímans þess vott að talsverðar umræður hafi orðið á þessum vettvangi.
Að loknum kosningum lá fyrir að 13 nýir kjördæmakjörnir þingmenn sem ekki höfðu áður setið á Alþingi höfðu náð kjöri eða 43,35 kjördæmakjörinna þingmanna.
| Um kosningarnar | |||
| Kjördagur / kosningatímabil | September 1892 | ||
| Mannfjöldi | 71.579 | ||
| Kjósendur á kjörskrá | 6.841 | ||
| Hlutfall kosningarbærra af heildarmannfjölda | 9,5% | ||
| Greidd atkvæði | 2.085 | ||
| Kosningaþátttaka | 30,5% | ||
| Hlutfall kjósenda af heildarmannfjölda | 2,9% | ||
| Kosningaþátttaka karla | 30,5% | ||
| Kosningaþátttaka kvenna | 0% | ||
| Kjördæmakjörnir þingmenn | 30 | ||
| Konungkjörnir þingmenn | 6 | ||
| Heildarfjöldi þingmanna | 36 | ||
| Kjördæmi og þingmenn 1892 | |
| Reykjavík | 1 |
| Gullbringu- og Kjósarsýsla | 2 |
| Árnessýsla | 2 |
| Rangárvallasýsla | 2 |
| Vestmannaeyjasýsla | 1 |
| Vestur-Skaftafellssýsla | 1 |
| Austur-Skaftafellssýsla | 1 |
| Suður-Múlasýsla | 2 |
| Norður-Múlasýsla | 2 |
| Norður-Þingeyjarsýsla | 1 |
| Suður-Þingeyjarsýsla | 1 |
| Eyjafjarðarsýsla | 2 |
| Skagafjarðarsýsla | 2 |
| Húnavatnssýsla | 2 |
| Strandasýsla | 1 |
| Ísafjarðarsýsla | 2 |
| Barðastrandarsýsla | 1 |
| Dalasýsla | 1 |
| Snæfells- og Hnappadalssýsla | 1 |
| Mýrasýsla | 1 |
| Borgarfjarðarsýsla | 1 |
