10. fundur
á 152. löggjafarþingi
haldinn í Hótel Borgarnes, þriðjudaginn 19. október 2021 kl. 13:00

Mætt:

Birgir Ármannsson (BÁ) formaður, kl. 13:00
Björn Leví Gunnarsson (BLG), kl. 13:00
Diljá Mist Einarsdóttir (DiljE), kl. 13:00
Hanna Katrín Friðriksson (HKF), kl. 13:00
Inga Sæland (IngS), kl. 13:00
Jóhann Friðrik Friðriksson (JFF), kl. 13:00
Líneik Anna Sævarsdóttir (LínS), kl. 13:00
Svandís Svavarsdóttir (SSv), kl. 13:00
Vilhjálmur Árnason (VilÁ), kl. 13:00
Þórunn Sveinbjarnardóttir (ÞSv), kl. 13:00

Nefndarritarar:
Elisabeth Patriarca Kruger
Þórhallur Vilhjálmsson

Áður en fundur hófst kynnti nefndin sér aðstæður á talningarstað á Hótel Borgarnesi, þ. á m. staðsetningu myndavéla og innganga í salinn.

Samtöl við gesti fundarins voru hljóðrituð og tekin upp í mynd. Hljóðritunin verður skrifuð upp í vinnuskjal til að tryggja aðgang þingmanna að öllum gögnum málsins svo þeir geti, hver fyrir sig, tekið ákvörðun í því þegar Alþingi fjallar um gildi kosninganna.

Bókað:

Fundargerð 9. fundar var samþykkt.

Nefndin ræddi málið og fyrirkomulag fundarins.

Björn Leví Gunnarsson, Líneik Anna Sævarsdóttir og Þórunn Sveinbjarnardóttir, ásamt starfsfólki skrifstofunnar, gerðu grein fyrir afstemmingu ónotaðra seðla sem fór fram á lögreglustöðinni í Borgarnesi þriðjudaginn 19. október kl. 9:30. Nefndin samþykkti að tekin yrði saman greinargerð um framkvæmdina.

Nefndin fjallaði um málið og fékk á sinn fund Berglindi Lilju Þorbergsdóttur, starfsmann yfirkjörstjórnar Norðvesturkjördæmis.

Því næst fékk nefndin á sinn fund, hvern fyrir sig, fjóra starfsmenn Hótels Borgarness.

Hlé var gert á fundi kl. 15:35-16:00.

Að lokum fékk nefndin á sinn fund Inga Tryggvason, formann yfirkjörstjórnar Norðvesturkjördæmis.

Nefndin ræddi fyrirkomulag næstu funda.

Fleira var ekki gert.

Fundi slitið kl. 17:50