3. fundur
fjárlaganefndar á 153. löggjafarþingi
haldinn í Austurstræti 8-10, miðvikudaginn 21. september 2022 kl. 09:00

Mætt:

Bjarkey Olsen Gunnarsdóttir (BjG) formaður, kl. 09:00
Haraldur Benediktsson (HarB) 1. varaformaður, kl. 09:00
Björn Leví Gunnarsson (BLG), kl. 09:00
Bryndís Haraldsdóttir (BHar), kl. 09:00
Kristrún Frostadóttir (KFrost), kl. 09:00
Stefán Vagn Stefánsson (SVS), kl. 09:00
Þorbjörg Sigríður Gunnlaugsdóttir (ÞorbG), kl. 09:00
Þórarinn Ingi Pétursson (ÞórP), kl. 09:00

Vilhjálmur Árnason var fjarverandi vegna starfa á vegum Alþingis erlendis. Eyjólfur Ármannsson var fjarverandi.

Nefndarritarar:
Ólafur Elfar Sigurðsson

Björn Leví Gunnarsson tók þátt í fundinum með fjarfundabúnaði.

Bókað:

Til fundarins komu Marta Guðrún Skúladóttir, Sólrún Halldóra Þrastardóttir, Kristinn Bjarnason, Katrín Anna Guðmundsdóttir, Hilda Hrund Cortez og Hlynur Hreinsson frá fjármála- og efnahagsráðuneytinu. Þau kynntu gjaldahlið frumvarps til fjárlaga fyrir árið 2023 og ýmsar forsendur sem henni tengjast.
Kl. 10:44. Hrafn Hlynsson, Högni Haraldsson frá fjármála- og efnahagsráðuneytinu. Þeir kynntu þá þætti frumvarpsins sem fjalla um efnahag ríkissjóðs, lánsfjármál og fjárhagsáhættur, ríkisábyrgðir og helstu áhættuþætti ásamt heimildargrein fjárlaga.
Kl. 11:31. Jón Viðar Pálmason og Dóróthea Jóhannsdóttir frá fjármála- og efnahagsráðuneytinu. Þau kynntu samstæðuyfirlit A-hluta í heild.
Samþykkt var skv. 1. mgr. 24. gr. starfsreglna fastanefnda Alþingis, sbr. 51. gr. þingskapa að óska eftir minnisblaði frá fjármála- og efnahagsráðuneytinu um greiningu á áhrifum skuldaþróunar og verðbólgu á áhættuhópa, greiningum á aðhaldsstigi frumvarpsins o.fl.

Farið var yfir þær reglur sem gilda um upplýsingabeiðnir nefndarinnar til ráðuneytanna og stofnana ríkisins. Fleira var ekki gert.

Fundargerð 2. fundar var samþykkt.

Fundi slitið kl. 11:34