2. fundur
fjárlaganefndar á 149. löggjafarþingi
haldinn í Austurstræti 8-10, miðvikudaginn 19. september 2018 kl. 09:00

Mættir:

Willum Þór Þórsson (WÞÞ) formaður, kl. 09:00
Haraldur Benediktsson (HarB) 1. varaformaður, kl. 09:00
Ágúst Ólafur Ágústsson (ÁÓÁ) 2. varaformaður, kl. 09:00
Birgir Þórarinsson (BirgÞ), kl. 09:00
Bjarkey Olsen Gunnarsdóttir (BjG), kl. 09:00
Njáll Trausti Friðbertsson (NTF), kl. 09:00
Olga Margrét Cilia (OC) fyrir Björn Leví Gunnarsson (BLG), kl. 09:00
Ólafur Ísleifsson (ÓÍ), kl. 09:00
Páll Magnússon (PállM), kl. 09:09
Þorsteinn Víglundsson (ÞorstV), kl. 09:00

Haraldur Benediktsson vék af fundi kl. 10:32 og kom til baka kl. 10:52.

Nefndarritarar:
Jón Magnússon
Ólafur Elfar Sigurðsson

Bókað:

Til fundarins komu Bergþóra Þorkelsdóttir, G. Pétur Matthíasson og Magnús Valur Jóhannesson frá Vegagerðinni. Þau fóru yfir svör stofnunarinnar við fyrirspurn nefndarinnar um ýmsar forsendur fyrir niðurbroti á þjóðvegakerfinu, einkum vegna umferðar þungra ökutækja, og leiðir til að hægja á því. Einnig svöruðu þau spurningum nefndarmanna um þessi mál.

Til fundarins komu Hanna Sigríður Gunnsteinsdóttir, Ágúst Þór Sigurðsson, Klara Baldursdóttir Briem og Guðmann Ólafsson frá velferðarráðuneytinu. Þau fóru yfir skrifleg svör ráðuneytisins við fyrirspurn nefndarinnar um málefni öryrkja á Íslandi. Einnig voru lögð fram viðbótar fylgiskjöl með svarinu.

Til fundarins komu Hafsteinn Pálsson frá Ofanflóðasjóði og Sigríður Auður Arnardóttir og Stefán Guðmundsson frá umhverfis- og auðlindaráðuneytinu. Lögð var fram kynning á starfsemi Ofanflóðasjóðs og svöruðu gestirnir spurningum um málefni hans.

Ákveðið var að óska eftir skýringum á því hvers vegna hátíðarfundur Alþingis sem haldinn var á Þingvöllum 18. júlí sl. fór verulega fram úr fjárhagsáætlun. Þá var ákveðið að óska ítarlegri upplýsinga frá ríkisendurskoðanda um túlkun á reglum um almennan varasjóð en fram koma í bréfi hans til nefndarinnar dagsett 5. júlí sl. Fleira var ekki gert.

Fundargerð 1. fundar var samþykkt.

Fundi slitið kl. 11:30