24. fundur
stjórnskipunar- og eftirlitsnefndar á 145. löggjafarþingi
haldinn í Austurstræti 8-10, þriðjudaginn 2. febrúar 2016 kl. 09:00

Mættir:

Ögmundur Jónasson (ÖJ) formaður, kl. 09:00
Birgir Ármannsson (BÁ) 1. varaformaður, kl. 09:00
Árni Páll Árnason (ÁPÁ), kl. 09:00
Brynhildur Pétursdóttir (BP), kl. 10:33
Brynjar Níelsson (BN), kl. 09:00
Elsa Lára Arnardóttir (ELA), kl. 09:07
Helgi Hjörvar (HHj), kl. 09:05
Willum Þór Þórsson (WÞÞ), kl. 09:00

Birgitta Jónsdóttir boðaði forföll vegna veikinda. Höskuldur Þórhallsson boðaði forföll á fundinn og Brynhildur Pétursdóttir boðaði forföll fyrir hluta fundar.

Nefndarritari: Elín Valdís Þorsteinsdóttir

Bókað:

Fundargerð 22. fundar var samþykkt.

Á fundinn komu Almar Guðmundsson, Ragnheiður Héðinsdóttir og Björg Ásta Þórðardóttir frá Samtökum iðnaðarins og gerðu grein fyrir sjónarmiðum við málið ásamt því að svara spurningum nefndarmanna.

Formaður kynnti drög að nefndaráliti og breytingartillögum og nefndin fjallaði um málið.

Samþykkt að taka fyrir á ný eftir kjördæmaviku.

Formaður kynnti drög að bréfi til Svifflugfélags Íslands og nefndin samþykkti að bréfið yrði sent.

Formaður kynnti beiðni um Borgunarmálið (sala Landsbankans á hlut í Borgun) yrði tekið fyrir í nefndinni. Ákveðið var að bíða eftir boðaðri skýrslu Bankasýslunnar og meta í framhaldinu hugsanlega aðkomu nefndarinnar að málinu.

Samþykkt að taka skýrslu Ríkisendurskoðunar um samninga við sjúkrahótel í Ármúla fyrir á næsta fundi með fulltrúum þeirra stofnana sem koma að málinu, velferðarráðuneyti og Ríkisendurskoðun.

Fleira var ekki gert.

Fundi slitið kl. 10:50