29. fundur
stjórnskipunar- og eftirlitsnefndar á 146. löggjafarþingi
haldinn í Austurstræti 8-10, fimmtudaginn 18. maí 2017 kl. 09:10

Mættir:

Brynjar Níelsson (BN) formaður, kl. 09:10
Jón Steindór Valdimarsson (JSV) 1. varaformaður, kl. 09:10
Njáll Trausti Friðbertsson (NF) 2. varaformaður, kl. 09:10
Birgitta Jónsdóttir (BirgJ), kl. 09:10
Hildur Sverrisdóttir (HildS), kl. 09:10
Jón Þór Ólafsson (JÞÓ), kl. 09:10
Lilja Alfreðsdóttir (LA), kl. 09:10
Svandís Svavarsdóttir (SSv), kl. 09:10

Haraldur Benediktsson boðaði forföll vegna annars fundar.

Nefndarritari: Elín Valdís Þorsteinsdóttir

Bókað:

Fundargerðir 26. og 27. fundar voru samþykktar.

Nefndin fjallaði um málsmeðferð.

Jón Þór Ólafsson óskaði eftir því að bókað yrði að á fundi nefndarinnar 4. maí sl. hafi hann lagt framtillögu um að Stjórnskipunar- og eftirlitsnefnd óskað eftir gögnum sem styðji þau atriði sem fólust í beiðni Ólafs Ólafssonar um fund með stjórnskipunar- og eftirlitsnefnd frá 27.apríl 2017.

Eftir umræður í nefndinni dró Jón Þór tillöguna til baka þar sem samþykkt var á fundinum að formaður hefði samband við Ólaf og greindi honum frá umræddri beiðni.

Framsögumaður málsins, Jón Steindór Valdirmarsson, gerði grein fyrir málinu og nefndin fjallaði um það. Tillaga um að vinna drög að nefndaráliti samþykkt.

Framsögumaður málsins, Jón Steindór Valdimarsson, gerði grein fyrir málinu og nefndin ræddi það.

Njáll Trausti Friðbertsson fór yfir framhald máls varðandi erindi Öryggisnefndar Félags ísl. atvinnuflugmanna varðandi stjórnsýslu ákvarðana um lokun brautar 06/24 á Reykjavíkurflugvelli og frekari gestakomur.

Svandís Svavarsdóttir, framsögumaður, ræddi framhald 199. máls, Þjóðhagsstofnunar. Samþykkt að hún vinni drög á áliti fyrir nefndina.

Fleira var ekki gert.

Fundi slitið kl. 11:05