31. fundur
utanríkismálanefndar á 151. löggjafarþingi.
Fjarfundur haldinn miðvikudaginn 19. maí 2021 kl. 09:00

Mætt:

Sigríður Á. Andersen (SÁA) formaður, kl. 09:00
Njáll Trausti Friðbertsson (NTF) 1. varaformaður, kl. 09:00
Logi Einarsson (LE) 2. varaformaður, kl. 09:00
Ari Trausti Guðmundsson (ATG), kl. 09:07
Bryndís Haraldsdóttir (BHar), kl. 09:00
Gunnar Bragi Sveinsson (GBS), kl. 09:00
Rósa Björk Brynjólfsdóttir (RBB), kl. 09:00
Silja Dögg Gunnarsdóttir (SilG), kl. 09:00
Þorgerður K. Gunnarsdóttir (ÞKG), kl. 09:00

Nefndarritarar:
Bylgja Árnadóttir
Stígur Stefánsson

1937. fundur utanríkismálanefndar.

Bókað:

Fundargerð 30. fundar var samþykkt.

Nefndin fjallaði um málið.

Rósa Björk Brynjólfsdóttir, Gunnar Bragi Sveinsson, Logi Einarsson og Þorgerður Katrín Gunnarsdóttir lögðu fram eftirfarandi bókun:

„Minni hluti utanríkismálanefndar fordæmir hvers kyns árásir á óbreytta borgara í átökum undanfarna daga á svæðum Ísraels og Palestínumanna. Minni hlutinn leggur áherslu á að alþjóðalög og mannréttindi séu virt í hvívetna og að öryggi almennings verði tryggt. Ólíðandi er að loftárásum sé beitt gegn saklausum borgum þar sem fjöldi barna hefur látið lífið í verstu stríðsátökum á svæðinu síðan 2014. Að sama skapi harmar minni hlutinn að eldflaugaárásum sé beint gegn óbreyttum borgurum. Alþjóðasamfélagið verður að gefa skýr skilaboð um að leggja eigi niður vopn strax og að friðsamlegar lausnir í deilunni milli Ísrael og Palestínu sé eina lausnin.

Ísland á í sérstöku sambandi við bæði Palestínu og Ísrael. Ísland var fyrsta vestræna ríkið til að viðurkenna sjálfstæði og fullveldi Palestínu með samhljóða samþykkt Alþingis 2011 en Ísland lék einnig sérstakt hlutverk þegar Ísrael varð fullvalda ríki árið 1948. Minni hlutinn hvetur til þess að utanríkisráðherrar Norðurlanda beiti sér sameiginlega á alþjóðlegum vettvangi í kröfunni um tafarlaust vopnahlé og að ríkisstjórn Íslands beiti sér fyrir að neyðaraðstoð og hjálpargögn komist til nauðstaddra á svæðinu.“

Fleira var ekki gert.

Fundi slitið kl. 09:55