(Fundi frestað til miðvikudagsins 27. apríl) Opinn fundur fjárlaganefndar mánudaginn 25. apríl um sölu ríkisins á hlutum í Íslandsbanka
ATH. Fundinum hefur verið frestað til miðvikudagsins 27. apríl
Fjárlaganefnd Alþingis heldur opinn fund mánudaginn 25. apríl í húsnæði nefndasviðs Alþingis í Austurstræti 8–10 og hefst hann kl. 9:30.
Fundarefnið er sala ríkisins á hlutum í Íslandsbanka. Gestir fundarins verða Jón Gunnar Jónsson, forstjóri Bankasýslu ríkisins, Lárus Blöndal stjórnarformaður, Þórólfur Heiðar Þorsteinsson lögfræðingur og Karl Finnbogason, starfsmaður Bankasýslu ríkisins.
Fundurinn verður opinn fulltrúum fjölmiðla og almenningi meðan húsrúm leyfir.
Bein útsending verður frá fundinum á vef Alþingis og á sjónvarpsrás Alþingis.
Að loknum fundi má nálgast upptöku af fundinum hér.
Fundurinn verður haldinn samkvæmt X. kafla reglna um starfsreglur fastanefnda Alþingis.
