Bókhald
93. mál á 141. löggjafarþingi.
Atvinnuvega- og nýsköpunarráðherra.
Markmið
Að skýra og lagfæra lög um bókhald með hliðsjón af þeim ábendingum sem komið hafa fram.
Helstu breytingar og nýjungar
Í fyrsta lagi eru lagðar til breytingar á þeim ákvæðum laganna sem leggja að jöfnu störf endurskoðenda og skoðunarmanna og eru þær breytingar leiddar af lögum nr. 79/2008, um endurskoðendur. Í öðru lagi er lagt til að heimild félaga til að hafa texta bókhaldsbóka og ársreikninga á dönsku eða ensku verði víkkuð út til annarra félaga en þeirra sem hafa heimild til að hafa reikningsskilin í erlendum gjaldmiðli. Í þriðja lagi er lagt til að heimilt verði að varðveita bókhaldsgögn erlendis í allt að sex mánuði þegar sérstakar ástæður eru fyrir hendi.
Breytingar á lögum og tengd mál
Lög nr. 79/2008, um endurskoðendur.
- Endurflutt: Bókhald, 702. mál (efnahags- og viðskiptaráðherra) á 140. þingi (31.03.2012)
- Skylt mál: ársreikningar, 94. mál (atvinnuvega- og nýsköpunarráðherra) á 141. þingi (14.09.2012)
Kostnaður og tekjur
Hefur ekki áhrif á tekjur eða gjöld ríkissjóðs.
Umsagnir (helstu atriði)
Nokkrar umsagnir bárust og eru flestar jákvæðar en gerðar eru alvarlegar athugasemdir við óljóst orðalag og óskýr ákvæði í frumvarpinu, t.d. varðandi rafræn gögn, hlutverk skoðunarmanna og notkun erlendra tungumála.