Hlutafélög o.fl.
664. mál á 145. löggjafarþingi.
Iðnaðar- og viðskiptaráðherra.
Markmið
Að einfalda lagaumhverfi vegna stofnunar, skráningar og starfrækslu hlutafélaga og einkahlutafélaga.Helstu breytingar og nýjungar
Felld eru á brott eða breytt skilyrðum fyrir búsetu stjórnarmanna, stofnenda og fleiri aðila sem koma að stofnun og rekstri hlutafélaga og einkahlutafélaga. Lögð er til breyting á ákvæði laganna um tilkynningar til hlutafélagaskrár, meðal annars þannig að hlutafélagaskrá ákveði á hvaða formi tilkynningarnar og fylgiskjölin skuli vera.
Einnig eru lagðar til breytingar til þess að stemma stigu við kennitöluflakki í atvinnurekstri. Þær breytingar lúta meðal annars að heimild til að greiða hlutafé við stofnun hlutafélags og einkahlutafélags með kröfu á hendur stofnendum, missi hæfis stjórnarmanna og framkvæmdastjóra hlutafélaga og einkahlutafélaga til setu í stjórn og til að gegna starfi framkvæmdastjóra og stjórnarmanna og afskráningu úr hlutafélagaskrá.
Breytingar á lögum og tengd mál
Breyta á lögum um hlutafélög nr. 2/1995 og lögum um einkahlutafélög nr. 138/1994 auk lítilsháttar breytinga á lögum um sjálfseignarstofnanir sem stunda atvinnurekstur nr. 33/1999.Kostnaður og tekjur
Hefur ekki áhrif á ríkissjóð.Aðrar upplýsingar
Löggjöf á Norðurlöndum.
Danmörk
Bekendtgørelse af lov om aktie- og anpartsselskaber (selskabsloven) LBK nr 1089 af 14/09/2015.
Noregur
Lov om aksjeselskaper (aksjeloven). Lov -1997-06-13-44.
Svíþjóð
Aktiebolagslag (2005:551).
