Umferðarlög
219. mál á 149. löggjafarþingi.
Samgöngu- og sveitarstjórnarráðherra.
Markmið
Að vernda líf og heilsu vegfarenda með auknu umferðaröryggi þar sem jafnræðis er gætt milli vegfarenda, óháð samgöngumáta, og tillit tekið til umhverfissjónarmiða við skipulagningu umferðar.
Helstu breytingar og nýjungar
Lagt er til að viðurlög við umferðarlagabrotum, s.s. hraðakstursbrotum og akstri undir áhrifum áfengis eða ávana- og fíkniefna, verði hert, leyfilegt áfengismagn í blóði lækkað, að verkaskipting ríkis og sveitarfélaga um aðgerðir til að auka umferðaröryggi verði skýrari og að reglur um stöðvun og lagningu ökutækis verði hertar. Að auki er gert ráð fyrir breytingum á ákvæðum um t.d. neyðarakstur, akstur í hringtorgum og farsímanotkun. Einnig er lagt til að akstur og prófanir sjálfakandi ökutækja verði heimilaðar að fengnu leyfi Samgöngustofu og að nánar tilgreindum skilyrðum uppfylltum.
Breytingar á lögum og tengd mál
Um er að ræða ný lög og við gildistöku þeirra falla úr gildi umferðarlög, nr. 50/1987 en breytingar verða á lögum um aukatekjur ríkissjóðs, nr. 88/1991.- Skylt mál: ökutækjatryggingar, 436. mál (fjármála- og efnahagsráðherra) á 149. þingi (05.12.2018)
Kostnaður og tekjur
Gert er ráð fyrir óverulegum áhrifum á tekjur og gjöld ríkissjóðs.Afgreiðsla
Samþykkt með talsverðum breytingum, m.a. þeim að börnum yngri en 16 ára er gert skylt að nota reiðhjólahjálma við hjólreiðar, heimilt er að svipta þá ökurétti sem teljast óhæfir til að stjórna ökutæki vegna neyslu lyfja og eigendur eða umráðamenn ökutækja eru ekki látnir sæta refsiábyrgð ef aðrir en þeir aka bílum þeirra gegn rauðu umferðarljósi eða gerast sekir um hraðakstur.Aðrar upplýsingar
Löggjöf á Norðurlöndum
Danmörk
Færdselsloven
LBK nr 38 af 05/01/2017.
Finnland
Vägtrafiklag
3.4.1981/267.
Noregur
Lov om vegtrafikk
LOV-2018-05-04-16.
Svíþjóð
Lag om straff för vissa traffikbrott (
1951:649).
