Vandaðir starfshættir í vísindum
779. mál á 149. löggjafarþingi.
Forsætisráðherra.
Markmið
Að stuðla að því að rannsóknir í vísindum fari fram í samræmi við vandaða starfshætti í vísindum og auka þannig trúverðugleika vísindastarfs og rannsókna í samfélaginu.Helstu breytingar og nýjungar
Lagt er til að sett verði á fót ein miðlæg nefnd um vandaða starfshætti í vísindum. Lögð er áhersla á þá meginábyrgð vísindamanna, stofnana og fyrirtækja sem sinna rannsóknum að gæta að vönduðum rannsóknarháttum. Nefndinni er ætlað að vera til ráðgjafar og stuðla að fræðslu um þessi efni. Gert er ráð fyrir að nefndin muni einnig fjalla um mál sem til hennar er vísað eða sem hún tekur upp að eigin frumkvæði. Ekki er gert ráð fyrir að í lögum sé að finna skilgreiningu á því hvað séu brot á vönduðum starfsháttum heldur er nefndinni ætlað að skrá siðferðisviðmið sem falla undir það hugtak og birta á vef sínum að fenginni staðfestingu ráðherra.Breytingar á lögum og tengd mál
Um er að ræða ný lög.Kostnaður og tekjur
Helsti kostnaður sem fylgir samþykkt frumvarpsins er tengdur nefnd um vandaða starfshætti í vísindum. Gert er ráð fyrir að hann nemi 10 milljónum kr. á ári.Afgreiðsla
Samþykkt með lítils háttar breytingum á orðalagi og texta til að tryggja samræmi og skýrleika.Aðrar upplýsingar
Drög að siðareglum fyrir íslenskt vísindasamfélag. Rannís, desember 2010.
Löggjöf á Norðurlöndum
Danmörk
Lov om videnskabelig uredelighed m.v.
LOV nr 383 af 26/04/2017.
Finnland
Í Finnlandi starfar ráðgefandi nefnd á þessu sviði á grundvelli reglugerðar nr.
1347/1991 (förordning om forskningsetiska delegationen).
Noregur
Lov om organisering av forskningsetisk arbeid (forskningsetikkloven)
LOV-2017-04-28-23.
Svíþjóð
Frumvarp til laga um athugun á óheilindum í rannsóknum (förslag till lag om prövning av oredlighet i forskning) er nú til umfjöllunar í sænska þinginu.
