Félög til almannaheilla
181. mál á 150. löggjafarþingi.
Ferðamála-, iðnaðar- og nýsköpunarráðherra.
Markmið
Að skjóta traustari stoðum undir frjáls félagasamtök sem geta talist almannaheillasamtök.Helstu breytingar og nýjungar
Lagt er til að sett verði heildarlög um félagasamtök til almannaheilla. Lagt er til að félagasamtök til almannaheilla verði aðgreind frá öðrum félagasamtökum og að settar verði reglur um stofnun félagasamtaka til almannaheilla, meginefni samþykkta, félagsaðild, ákvörðunarvald, ákvörðunartöku og stjórnun slíkra félaga. Lagt er til að félagasamtök til almannaheilla verði skráð í almannaheillafélagaskrá sem ríkisskattstjóri haldi og taki við nýskráningum þeirra, breytingum á skráningu og tilkynningum um slit, auk þess að hafa heimild til afskráningar. Þá er lagt til að opinberum aðilum verði heimilt að setja það sem skilyrði fyrir veitingu styrkja, rekstrarsamninga og opinberra leyfa til almannaheillasamtaka að þau séu skráð í almannaheillafélagaskrá. Jafnframt er gert ráð fyrir að atvinnuvega- og nýsköpunarráðuneytinu verði falin ákveðin verkefni sem kalla á töku stjórnvaldsákvarðana í ákveðnum málum.Breytingar á lögum og tengd mál
Um er að ræða ný lög en við gildistöku laganna verða breytingar á lögum um fyrirtækjaskrá, nr. 17/2003.- Endurflutt: Félög til almannaheilla, 785. mál (ferðamála-, iðnaðar- og nýsköpunarráðherra) á 149. þingi (30.03.2019)
- Endurflutt: Félagasamtök til almannaheilla, 779. mál (iðnaðar- og viðskiptaráðherra) á 145. þingi (23.05.2016)
- Skýrsla um framkvæmd ályktana Alþingis: Framkvæmd ályktana Alþingis frá árinu 2020, 30. mál (forsætisráðherra) á 152. þingi (01.12.2021)
- Skýrsla um framkvæmd ályktana Alþingis: Framkvæmd ályktana Alþingis frá árinu 2021, 396. mál (forsætisráðherra) á 153. þingi (07.11.2022)
- Skýrsla um framkvæmd ályktana Alþingis: Framkvæmd ályktana Alþingis frá árinu 2022, 448. mál (forsætisráðherra) á 154. þingi (31.10.2023)