Breyting á ýmsum lögum á sviði fiskveiðistjórnar
704. mál á 151. löggjafarþingi.
Sjávarútvegs- og landbúnaðarráðherra.
Markmið
Að styrkja eftirlit Fiskistofu.Helstu breytingar og nýjungar
Lagt er til að heildstæðu viðurlagakerfi verði komið á fót vegna brota á lögum á sviði fiskveiðistjórnar. Viðurlagakaflar laganna verða samræmdir þannig að sömu heimildir verði milli mismunandi laga til að bregðast við brotum. Frumvarpið felur í sér það nýmæli að Fiskistofa fái heimildir til álagningar stjórnvaldssekta vegna brota á fiskveiðilöggjöfinni. Lagt er til að heimildir Fiskistofu til að framkvæma rafrænt eftirlit verði styrktar. Loks er lagt til að hugtakið raunveruleg yfirráð við framkvæmd reglna um hámarksaflahlutdeildir verði afmarkað betur.
Breytingar á lögum og tengd mál
Lög um umgengni um nytjastofna sjávar, nr. 57/1996.
Lög um stjórn fiskveiða, nr.
116/2006.
Lög um veiðar í fiskveiðilandhelgi Íslands, nr.
79/1997.
Lög um veiðar og vinnslu erlendra skipa í fiskveiðilandhelgi Íslands, nr.
22/1998.
Lög um fiskveiðar utan lögsögu Íslands, nr.
151/1996.
Lög um Fiskistofu, nr.
36/1992.
- Skylt mál: Stjórn fiskveiða, 209. mál (sjávarútvegsráðherra) á 122. þingi (23.10.1997)
Kostnaður og tekjur
Til lengri tíma litið eru fjárhagsáhrif frumvarpsins jákvæð fyrir ríkissjóð þar sem stjórnvaldssektir munu renna í ríkissjóð. Ekki er hægt að segja til um hve mikil þau verða þar sem ekki hefur farið fram mat á umfangi álagningar stjórnvaldssekta auk þess sem reglunum er ætlað að hafa fælingar- og varnaðaráhrif til lengri tíma litið.
Afgreiðsla
Frumvarpið var ekki afgreitt úr nefnd.Aðrar upplýsingar
Bætt eftirlit með fiskveiðiauðlindinni. Skýrsla verkefnisstjórnar um bætt eftirlit með fiskveiðiauðlindinni. Atvinnuvega- og nýsköpunarráðuneytið, júní 2020.
Eftirlit Fiskistofu. Skýrsla til Alþingis. Ríkisendurskoðun, desember 2018.
