Hollustuhættir og mengunarvarnir o.fl.
708. mál á 151. löggjafarþingi.
Umhverfis- og auðlindaráðherra.
Markmið
Að skapa skilyrði fyrir myndun hringrásarhagkerfis svo stuðla megi að sjálfbærri auðlindanotkun og draga úr myndun úrgangs sem og að leggja bann við urðun úrgangs sem hefur verið safnað sérstaklega til undirbúnings fyrir endurnotkun, endurvinnslu eða annarrar endurnýtingar.Helstu breytingar og nýjungar
Lagðar eru til breytingar vegna innleiðingar fjögurra Evrópugerða. Breytingarnar fela í sér innleiðingu á hringrásarhagkerfinu og er sérstök áhersla lögð á að draga úr myndun úrgangs, samræmda flokkun og sérstaka söfnun, sem og bann við urðun tiltekins úrgangs. Samþykkt frumvarpsins hefði þannig í för með sér að einstaklingum og lögaðilum yrði gert skylt að flokka heimilisúrgang. Jafnframt eru lagðar til breytingar varðandi framleiðendaábyrgð á ákveðnum úrgangsflokkum í samræmi við lágmarkskröfur sem gerðar eru í tilskipun (ESB) 2018/854 til kerfa sem byggja á framlengdri framleiðendaábyrgð. Þá er lagt til að kveðið verði á um framleiðendaábyrgð á plastvörum og drifrafhlöðum.
Breytingar á lögum og tengd mál
Lög um hollustuhætti og mengunarvarnir, nr. 7/1998.
Lög um meðhöndlun úrgangs, nr.
55/2003.
Lög um úrvinnslugjald, nr.
162/2002.
Kostnaður og tekjur
Gera má ráð fyrir einskiptiskostnaði við uppsetningu rafræns skráningarkerfis fyrir spilliefni hjá Umhverfisstofnun en nákvæmt kostnaðarmat liggur ekki fyrir.
Afgreiðsla
Samþykkt með nokkrum breytingum.Aðrar upplýsingar
Tilskipun Evrópuþingsins og ráðsins (ESB)
2018/850 frá 30. maí 2018 um breytingu á tilskipun
1999/31/EB um urðun úrgangs.
Tilskipun Evrópuþingsins og ráðsins (ESB)
2018/851 frá 30. maí 2018 um breytingu á tilskipun
2008/98/EB um úrgang.
Tilskipun Evrópuþingsins og ráðsins (ESB)
2018/852 frá 30. maí 2018 um breytingu á tilskipun
94/62/EB um umbúðir og umbúðaúrgang.
