Fjárlög 2019
1. mál á 149. löggjafarþingi.
Fjármála- og efnahagsráðherra.
Markmið
Að sýna áætlanir um tekjur og gjöld ríkissjóðs fyrir hvert það ár sem í hönd fer og leita heimilda til hvers konar fjárráðstafana, svo sem lántöku og ríkisábyrgða og heimilda til að kaupa og selja fasteignir.Helstu breytingar og nýjungar
Lögð eru til aukin framlög til heilbrigðismála vegna framkvæmda við nýjan Landspítala og byggingar og rekstrar hjúkrunarheimila. Einnig er gert ráð fyrir hækkun framlaga til félags-, húsnæðis- og tryggingamála. Gert er ráð fyrir auknum útgjöldum til samgöngumála vegna sérstaks átaks í samgöngumálum á árunum 2019-2021. Að auki er lagt til að nýjar þyrlur verði keyptar fyrir Landhelgisgæsluna og að framkvæmdir hefjist við Hús íslenskunnar. Lagt er til að persónuafsláttur hækki um 1 prósentustig umfram lögbundna 12 mánaða hækkun vísitölu neysluverðs á árinu 2019. Jafnframt er gert ráð fyrir því að hækkun þrepamarka efra skattþreps verði miðuð við vísitölu neysluverðs. Að auki er gert ráð fyrir hækkun barnabóta og lækkun tryggingagjalds.Breytingar á lögum og tengd mál
Gera þarf breytingar á ýmsum lögum vegna tekjuhliðar og gjaldahliðar frumvarpsins.- Skylt mál: ýmsar aðgerðir í samræmi við forsendur fjárlaga 2019, 2. mál (fjármála- og efnahagsráðherra) á 149. þingi (11.09.2018)
- Skylt mál: Breyting á ýmsum lögum vegna fjárlaga 2019, 3. mál (fjármála- og efnahagsráðherra) á 149. þingi (11.09.2018)
- Skylt mál: Aukatekjur ríkissjóðs, 4. mál (fjármála- og efnahagsráðherra) á 149. þingi (11.09.2018)