Fimmtudaginn 4. mars um kl. 13:30 verður sérstök umræða um endurhæfingarúrræði fyrir fólk með ákominn heilaskaða. Málshefjandi er Halla Signý Kristjánsdóttir og til andsvara verður heilbrigðisráðherra, Svandís Svavarsdóttir.

Þriðjudaginn 2. mars um kl. 13:45 verður sérstök umræða um innviði og þjóðaröryggi. Málshefjandi er Njáll Trausti Friðbertsson og til andsvara verður forsætisráðherra, Katrín Jakobsdóttir.

Mánudaginn 1. mars tekur Katla Hólm Þórhildardóttir sæti á Alþingi sem varamaður fyrir Þórhildi Sunnu Ævarsdóttur. Olga Margrét Cilia víkur af þingi.

Skrifstofa Alþingis óskar eftir að ráða starfsfólk í ræstingu í fullt starf á dagvinnutíma. Um er að ræða tvær ótímabundnar stöður og eina tímabundna afleysingu til 1. ágúst. Við leitum eftir jákvæðu starfsfólki sem býr yfir ríkri þjónustulund og góðri samskiptahæfni.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 3. mars kl. 13:00. Þá verða til svara forsætisráðherra, samgöngu- og sveitarstjórnarráðherra, heilbrigðisráðherra, ferðamála-, iðnaðar- og nýsköpunarráðherra, umhverfis- og auðlindaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 4. mars kl. 13:00. Þá verða til svara fjármála- og efnahagsráðherra, sjávarútvegs- og landbúnaðarráðherra, utanríkis- og þróunarsamvinnuráðherra, mennta- og menningarmálaráðherra og félags- og barnamálaráðherra. 

Forsætisnefnd Alþings hefur veitt Tryggva Gunnarssyni lausn frá embætti umboðsmanns Alþingis frá og með 1. maí nk. Forseti Alþingis, Steingrímur J. Sigfússon, tilkynnti þetta við upphaf þingfundar í dag og notaði tækifærið til að þakka Tryggva Gunnarssyni fyrir störf hans í embætti umboðsmanns Alþingis síðastliðna rúma tvo áratugi.

Forsætisnefnd Alþingis mun fyrir lok aprílmánaðar nk. gera tillögu til Alþingis um einstakling til að gegna embætti umboðsmanns Alþingis og verður hann kjörinn á þingfundi, sbr. 1. gr. l. nr. 85/1997, um umboðsmann Alþingis. Alþingi kýs umboðsmann Alþingis til fjögurra ára í senn.

Sérstök umræða um stöðu sjúkraþjálfara og talmeinafræðinga verður fimmtudaginn 25. febrúar um kl. 13:30. Málshefjandi er Hanna Katrín Friðriksson og til andsvara verður heilbrigðisráðherra, Svandís Svavarsdóttir.

Traust almennings til Alþingis fer vaxandi, samkvæmt nýjum þjóðarpúlsi Gallups sem mælir árlega traust til helstu stofnana samfélagsins. Traustið mælist nú 34% og hefur aukist um ellefu prósentustig frá síðasta ári, þegar það var 23%, en árið 2019 mældist traustið 18%.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 23. febrúar kl. 13:00. Þá verða til svara forsætisráðherra, samgöngu- og sveitarstjórnarráðherra, heilbrigðisráðherra, mennta- og menningarmálaráðherra, félags- og barnamálaráðherra, umhverfis- og auðlindaráðherra, utanríkis- og þróunarsamvinnuráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 25. febrúar kl. 13:00. Þá verða til svara fjármála- og efnahagsráðherra, sjávarútvegs- og landbúnaðarráðherra og ferðamála-, iðnaðar- og nýsköpunarráðherra.

Fimmtudaginn 18. febrúar um kl. 13:30 verður sérstök umræða um uppfærð markmið Íslands fyrir aðildarríkjafund loftslagssamnings Sameinuðu þjóðanna (COP26). Málshefjandi er Andrés Ingi Jónsson og til andsvara verður umhverfis- og auðlindaráðherra, Guðmundur Ingi Guðbrandsson.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 16. febrúar kl. 13:00. Þá verða til svara forsætisráðherra, fjármála- og efnahagsráðherra, sjávarútvegs- og landbúnaðarráðherra, heilbrigðisráðherra, félags- og barnamálaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 18. febrúar kl. 13:00. Þá verða til svara ferðamála-, iðnaðar- og nýsköpunarráðherra, samgöngu- og sveitarstjórnarráðherra, umhverfis- og auðlindaráðherra og mennta- og menningarmálaráðherra.

Föstudaginn 12. febrúar er nefndadagur samkvæmt starfsáætlun Alþingis. Þá gildir sérstök fundatafla um fundi fastanefnda og venja er að nefndir fundi fyrir og eftir hádegi.

Kjördæmadagar eru 9.–10. febrúar og eru því engir þingfundir á Alþingi þá daga. Kjördæmadagana nýta þingmenn til að vera í sambandi við kjósendur, sveitarstjórnafólk, fulltrúa fyrirtækja og fleiri, hver í sínu kjördæmi. Vegna aðstæðna fer megnið af þessum fundum og samskiptum nú fram með fjarfundafyrirkomulagi. Næsti þingfundur verður haldinn fimmtudaginn 11. febrúar.

Steypuvinna við nýbyggingu Alþingis hófst fyrir alvöru í dag, enda viðraði vel til slíkra verka. Í fyrsta áfanga botnplötunnar fara 380 rúmmetrar af steypu og 46 tonn af járni eru þegar komin í járnabindingu í hana. Ekki veitir af, því þykkt botnplötunnar er að meðaltali 70 cm.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 11. febrúar kl. 13:00. Þá verða til svara forsætisráðherra, utanríkis- og þróunarsamvinnuráðherra, ferðamála-, iðnaðar- og nýsköpunarráðherra og félags- og barnamálaráðherra.

Fimmtudaginn 4. febrúar tekur Olga Margrét Cilia sæti á Alþingi sem varamaður fyrir Þórhildi Sunnu Ævarsdóttur sem fer í fæðingarorlof.

Fimmtudaginn 4. febrúar um kl. 13:30 verður sérstök umræða um samskipti Íslands og Bandaríkjanna eftir valdaskiptin 20. janúar sl. Málshefjandi er Rósa Björk Brynjólfsdóttir og til andsvara verður Guðlaugur Þór Þórðarson, utanríkis- og þróunarsamvinnuráðherra.

Athygli er vakin á nýju fræðslumyndbandi um störf Alþingis. Myndirnar teiknaði Rán Flygenring sem vann myndbandið ásamt Sebastian Ziegler og þulur er Álfrún Helga Örnólfsdóttir.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 2. febrúar kl. 14:15. Þá verða til svara fjármála- og efnahagsráðherra, samgöngu- og sveitarstjórnarráðherra, utanríkis- og þróunarsamvinnuráðherra, ferðamála-, iðnaðar- og nýsköpunarráðherra, sjávarútvegs- og landbúnaðarráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 28. janúar kl. 13:00. Þá verða til svara forsætisráðherra, heilbrigðisráðherra og umhverfis- og auðlindaráðherra.

Á skrifstofu Alþingis er nú unnið að umbótum á starfsháttum í tengslum við innleiðingu á styttingu vinnuvikunnar sem samið hefur verið um á vinnumarkaði og Alþingi er aðili að. Í tengslum við það verkefni hafa forseti og formenn þingflokka orðið sammála um að gera tilraun með breytta skipun þingvikunnar fram að páskum.

Mánudaginn 1. febrúar er nefndadagur samkvæmt starfsáætlun Alþingis. Þá gildir sérstök fundatafla um fundi fastanefnda og venja er að nefndir fundi fyrir og eftir hádegi.

Fimmtudaginn 28. janúar um kl. 11 verður sérstök umræða um stöðu stóriðjunnar. Málshefjandi er Bergþór Ólason og til andsvara verður ferðamála-, iðnaðar- og nýsköpunarráðherra, Þórdís Kolbrún R. Gylfadóttir.

Nýverið birtist í Hlaðvarpi unga fólksins viðtal Arons Mána Nindel Haraldssonar við Steingrím J. Sigfússon, forseta Alþingis, og Rögnu Árnadóttur, skrifstofustjóra Alþingis. Þar ræddu þau um starfsemi Alþingis og skrifstofunnar, hvernig ætti að bera sig að við að stofna stjórnmálaflokk og hvort allir þyrftu að vera sammála sem eru í sama flokki eða saman í ríkisstjórn. 

Ný útgáfa lagasafnsins (151a) hefur verið birt á vef Alþingis.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 26. janúar kl. 13:30. Þá verða til svara forsætisráðherra, sjávarútvegs- og landbúnaðarráðherra, heilbrigðisráðherra, utanríkis- og þróunarsamvinnuráðherra og mennta- og menningarmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 28. janúar kl. 10:30. Þá verða til svara fjármála- og efnahagsráðherra, samgöngu- og sveitarstjórnarráðherra, ferðamála-, iðnaðar- og nýsköpunarráðherra og félags- og barnamálaráðherra.

Fimmtudaginn 21. janúar um kl. 11:00 verður sérstök umræða um stöðu stjórnarskrármála. Málshefjandi er Birgir Ármannsson og til andsvara verður forsætisráðherra, Katrín Jakobsdóttir.

Efnahags- og viðskiptanefnd heldur opinn fjarfund fimmtudaginn 21. janúar kl. 9:00. Til umfjöllunar verður skýrsla peningastefnunefndar Seðlabanka Íslands fyrir síðari hluta ársins 2020. Gestir fundarins verða Ásgeir Jónsson seðlabankastjóri og Rannveig Sigurðardóttir varaseðlabankastjóri peningastefnu.

Svavar Gestsson, fyrrverandi alþingismaður og ráðherra, lést á Landspítalanum aðfaranótt 18. janúar 2021 á 77. aldursári. Hans var minnst við upphaf þingfundar í dag.

Endurskoðuð áætlun um framlagningu stjórnarfrumvarpa á vetrar- og vorþingi ásamt áætluðum útbýtingardegi hefur verið afhent forseta Alþingis, í samræmi við 2. mgr. 47. gr. þingskapa.

Óundirbúnar fyrirspurnir til ráðherra verða á dagskrá við upphaf þingfundar mánudaginn 18. janúar kl. 15:00. Þá verða til svara forsætisráðherra, samgöngu- og sveitarstjórnarráðherra, sjávarútvegs- og landbúnaðarráðherra, mennta- og menningarmálaráðherra, félags- og barnamálaráðherra, umhverfis- og auðlindaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 21. janúar kl. 10:30. Þá verða til svara fjármála- og efnahagsráðherra, utanríkis- og þróunarsamvinnuráðherra og ferðamála-, iðnaðar- og nýsköpunarráðherra.

Þingfundir hefjast á ný eftir jólahlé mánudaginn 18. janúar.

Þriðjudaginn 12. janúar tekur Þórarinn Ingi Pétursson sæti á Alþingi sem varamaður fyrir Þórunni Egilsdóttur.

Við leitum að jákvæðum og þjónustuliprum einstaklingi í tímabundið afleysingarstarf í mötuneyti Alþingis. Skrifstofa Alþingis er lifandi og skemmtilegur vinnustaður sem leggur áherslu á fjölskylduvænt og öruggt vinnuumhverfi.

Samkvæmt starfsáætlun Alþingis eru nefndadagar þriðjudag, miðvikudag og fimmtudag 12.–14. janúar. Þá gildir sérstök fundatafla um fundi fastanefnda og venja er að fundað sé fyrir og eftir hádegi. 

Alþingi óskar landsmönnum öllum gleðilegs árs og þakkar fyrir hið liðna.

Þingfundum 151. löggjafarþings var frestað 18. desember 2020 en þingið var að störfum frá 1. október. Þingfundir voru samtals 43 og stóðu í tæpar 254 klst. Meðallengd þingfunda var 5 klst. og 55 mín. Lengsti þingfundurinn stóð í 12 klst. og 13 mín. Lengsta umræðan var um fjármálaáætlun 2021–2025 sem stóð samtals í rúmar 21 klst. Þingfundadagar voru alls 35.

Alþingi óskar landsmönnum öllum gleðilegra jóla, árs og friðar. 

Rafræna jólakveðju Alþingis 2020 sem sjá má í útsendingarglugganum hér efst á síðunni teiknaði Rán Flygenring, sem vann myndbandið ásamt Sebastian Ziegler. Rán hefur einnig teiknað myndir á Ungmennavef Alþingis, sem verður opnaður í janúar 2021.

Forseti Alþingis, Steingrímur J. Sigfússon, ávarpaði þingheim við lok síðasta þingfundar ársins 2020 og óskaði þingmönnum og landsmönnum öllum gleðilegra jóla.

Fundum Alþingis hefur verið frestað til 18. janúar 2021. 

Af óviðráðanlegum ástæðum verða tafir á veitingu ríkisborgararéttar með lögum og er gert ráð fyrir að frumvarp þess efnis verði lagt fram fyrir 1. febrúar 2021. 

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 17. desember kl. 10:30. Þá verða til svara fjármála- og efnahagsráðherra, mennta- og menningarmálaráðherra, utanríkis- og þróunarsamvinnuráðherra og dómsmálaráðherra.

Helgi Hrafn Gunnarsson tekur sæti á ný á Alþingi mánudaginn 14. desember og víkur þá varamaður hans, Sunna Rós Víðisdóttir, af þingi.

Eftirfarandi þingskjölum var útbýtt á vef Alþingis laugardaginn 12. desember:

Óundirbúnar fyrirspurnir til ráðherra verða á dagskrá við upphaf þingfundar mánudaginn 14. desember kl. 15:00. Þá verða til svara forsætisráðherra, samgöngu- og sveitarstjórnarráðherra, sjávarútvegs- og landbúnaðarráðherra, heilbrigðisráðherra, ferðamála-, iðnaðar- og nýsköpunarráðherra, félags- og barnamálaráðherra og umhverfis- og auðlindaráðherra.

Fyrsta steypan rann í nýbyggingu skrifstofuhúss á Alþingisreit í dag og var byrjað á tækni- og lyftugryfju. Gert er ráð fyrir að samtals muni þurfa 4.485 rúmmetra af steypu í bygginguna, mótafletir verði 19.925 fermetrar, steypustyrktarstál 465.000 kg, glerveggir 692 fermetrar og botnplatan verður 60 sentímetra þykk. Þá verða settir í húsið alls 142 gluggar og 187 innihurðir. Girðing kringum framkvæmdasvæðið hefur verið endurnýjuð og sett á hana upplýsingaspjöld til að gefa vegfarendum hugmynd um hvað í uppsiglingu er á Alþingisreitnum.

Óundirbúnar fyrirspurnir til ráðherra verða á dagskrá við upphaf þingfundar mánudaginn 7. desember kl. 15:00. Þá verða til svara forsætisráðherra, heilbrigðisráðherra, ferðamála-, iðnaðar-, og nýsköpunarráðherra, mennta- og menningarmálaráðherra, umhverfis- og auðlindaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 10. desember kl. 10:30. Þá verða til svara fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra og utanríkis- og þróunarsamvinnuráðherra.

Föstudaginn 4. desember er nefndadagur samkvæmt starfsáætlun. Þá gildir sérstök fundatafla um fundi fastanefnda og venja er að nefndir fundi fyrir og eftir hádegi. 

Forseti hefur í samráði við forsætisnefnd og formenn þingflokka ákveðið að gera breytingar á starfsáætlun. Samkvæmt starfsáætlun Alþingis er fimmtudagurinn 3. desember nefndadagur. Nú hefur hins vegar verið ákveðið að hafa þingfund þann dag og hefst hann klukkan 11:30. Nefndir munu funda fyrir þingfund þann dag.

Eftirfarandi þingskjölum var útbýtt á vef Alþingis þriðjudaginn 1. desember

Eftirfarandi þingskjölum var útbýtt á vef Alþingis mánudaginn 30. nóvember

Forsætisnefnd afgreiddi á fundi sínum 24. nóvember 2020 erindi sem henni barst um meint brot Þórhildar Sunnu Ævarsdóttur alþingismanns á siðareglum fyrir alþingismenn í tilefni af ummælum hennar á þingfundi 21. október 2020. Var niðurstaðan sú að skilyrði brysti til þess að nefndin tæki erindið til athugunar á grundvelli siðareglna fyrir alþingismenn, sbr. 1. málslið 1. mgr. 18. gr. siðareglnanna.

Mánudagurinn 30. nóvember er nefndadagur samkvæmt starfsáætlun Alþingis. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi. 

Eftirfarandi þingskjali var útbýtt á vef Alþingis föstudaginn 27. nóvember

Óundirbúnar fyrirspurnir til ráðherra verða á dagskrá við upphaf þingfundar miðvikudaginn 2. desember kl. 15:00. Þá verða til svara forsætisráðherra, fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra, ferðamála-, iðnaðar- og nýsköpunarráðherra, mennta- og menningarmálaráðherra, umhverfis- og auðlindaráðherra og dómsmálaráðherra.

Steingrímur J. Sigfússon, forseti Alþingis, hitti þingforseta norrænu ríkjanna og Eystrasaltsríkja á fjarfundi í dag að frumkvæði forseta finnska þingsins, fr. Anu Vehviläinen. Ræddu þingforsetarnir stöðu kórónuveirufaraldursins og viðbrögð þjóðþinganna í löndunum átta en viðsjár eru víða í fjölgun smita. 

Föstudaginn 27. nóvember er nefndadagur samkvæmt starfsáætlun Alþingis.

Páll Pétursson, fyrrverandi alþingismaður og ráðherra, lést 23. nóvember á líknardeild Landspítalans í Kópavogi eftir langvinn veikindi, 83 ára gamall. Hans var minnst við upphaf þingfundar í dag.

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, hefur lokið störfum og úthlutað íbúð fræðimanns á 4. hæð hússins árið 2021. 

Eftirfarandi þingskjali var útbýtt á vef Alþingis mánudaginn 23. nóvember:

Skrifstofa Alþingis auglýsir eftir laghentum einstaklingi til starfa í fasteignaumsjón á rekstrar- og þjónustusviði. Í starfinu felst dagleg umsýsla ásamt minni viðgerðum og viðhaldi á fasteignum og húsbúnaði. Umsóknarfrestur er til 7. desember nk.

Mánudaginn 23. nóvember tekur Sunna Rós Víðisdóttir sæti á Alþingi sem varamaður fyrir Helga Hrafn Gunnarsson.

Mánudaginn 23. og föstudaginn 27. nóvember eru nefndadagar samkvæmt starfsáætlun Alþingis. 

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 24. nóvember kl. 13:30. Þá verða til svara fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra, heilbrigðisráðherra, utanríkis- og þróunarsamvinnuráðherra, félags- og barnamálaráðherra og umhverfis- og auðlindaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 26. nóvember kl. 10:30. Þá verða til svara forsætisráðherra, ferðamála-, iðnaðar- og nýsköpunarráðherra, mennta- og menningarmálaráðherra og dómsmálaráðherra.

Sérstök umræða um flokkun lands í dreifbýli í skipulagi verður fimmtudaginn 19. nóvember um kl. 12:30. Málshefjandi er Líneik Anna Sævarsdóttir og til andsvara verður umhverfis- og auðlindaráðherra, Guðmundur Ingi Guðbrandsson.

Samningur við ÞG verktaka um þriðja áfanga byggingar fimm hæða skrifstofuhúss á Alþingisreit var undirritaður í dag. Undir samninginn rituðu Steingrímur J. Sigfússon, forseti Alþingis, og Ragna Árnadóttir skrifstofustjóri fyrir hönd Alþingis og fyrir hönd verktaka Þorvaldur Gissurarson, forstjóri ÞG verktaka.

Kjartan Jóhannsson, fyrrverandi alþingismaður og forseti neðri deildar Alþingis og fyrrverandi ráðherra, lést á heimili sínu föstudaginn 13. nóvember 2020 á 81. aldursári. Hans var minnst við upphaf þingfundar í dag.

Sérstök umræða um nýsköpun í ylrækt og framleiðslu ferskra matvara til útflutnings verður miðvikudaginn 18. nóvember um kl. 15:30. Málshefjandi er Ari Trausti Guðmundsson og til andsvara verður ferðamála-, iðnaðar- og nýsköpunarráðherra Þórdís Kolbrún R. Gylfadóttir.

Allsherjar- og menntamálanefnd heldur opinn fjarfund fimmtudaginn 19. nóvember kl. 8:15–9:15. Efni fundarins er skólakerfið og staða nemenda á tímum kórónuveirufaraldursins og gestur verður Lilja Alfreðsdóttir, mennta- og menningarmálaráðherra.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 17. nóvember kl. 13:30. Þá verða til svara forsætisráðherra, samgöngu- og sveitarstjórnarráðherra, heilbrigðisráðherra, ferðamála-, iðnaðar-, og nýsköpunarráðherra, mennta- og menningarmálaráðherra og félags- og barnamálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 19. nóvember kl. 10:30. Þá verða til svara fjármála- og efnahagsráðherra, utanríkis- og þróunarsamvinnuráðherra, umhverfis- og auðlindaráðherra og dómsmálaráðherra.

Samkvæmt starfsáætlun Alþingis er nefndadagur mánudaginn 16. nóvember. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Eftirfarandi þingskjölum var útbýtt á vef Alþingis miðvikudaginn 11. nóvember

Sérstök umræða um þjónustu sérgreinalækna á landsbyggðinni verður fimmtudaginn 12. nóvember um kl. 11:15. Málshefjandi er Albertína Friðbjörg Elíasdóttir og til andsvara verður heilbrigðisráðherra, Svandís Svavarsdóttir.

Heimsþing kvenleiðtoga er haldið í þriðja sinn í samstarfi Alþingis, ríkisstjórnar Íslands og samtakanna Women Political Leaders, WPL, dagana 9.–11. nóvember. Að þessu sinni er heimsþingið að fullu rafrænt vegna heimsfaraldurs kórónuveiru. Fjöldi þingmanna tekur þátt í þinginu að þessu sinni, víða að úr heiminum, ásamt núverandi og fyrrverandi þjóðarleiðtogum. 

Opinn fjarfundur verður haldinn í stjórnskipunar- og eftirlitsnefnd miðvikudaginn 11. nóvember kl. 9:00–10:30. Efni fundarins er ársskýrsla umboðsmanns Alþingis fyrir árið 2019 og gestur verður Tryggvi Gunnarsson, umboðsmaður Alþingis. 

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 12. nóvember kl. 10:30. Þá verða til svara fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra, utanríkis- og þróunarsamvinnuráðherra, ferðamála-, iðnaðar-, og nýsköpunarráðherra, félags- og barnamálaráðherra og dómsmálaráðherra.

Samkvæmt starfsáætlun Alþingis eru nefndadagar mánudag, þriðjudag og miðvikudag 9.–11. nóvember. Á nefndadögum gildir sérstök fundatafla um fundi fastanefnda og jafnan er fundað bæði fyrir og eftir hádegi. 

Þar sem ekki gafst tími á opnum fundi velferðarnefndar 4. nóvember til að taka á móti öllum gestum sem boðaðir voru hefur verið ákveðið að boða til nýs fundar um sama efni (Landspítali færður á neyðarstig) þriðjudaginn 10. nóvember kl. 13–14. Gestir fundarins verða Svandís Svavarsdóttir heilbrigðisráðherra, Ásta Valdimarsdóttir ráðuneytisstjóri, Elsa B. Friðfinnsdóttir skrifstofustjóri og Birgir Jakobsson, aðstoðarmaður ráðherra.

Sérstök umræða um biðlista eftir úrræðum fyrir börn með geðheilbrigðisvandamál verður fimmtudaginn 5. nóvember um kl. 12:15. Málshefjandi er Guðmundur Ingi Kristinsson og til andsvara verður heilbrigðisráðherra, Svandís Svavarsdóttir.

Eftirfarandi þingskjölum var útbýtt á vef Alþingis þriðjudaginn 3. nóvember

Miðvikudaginn 4. nóvember tekur Sara Elísa Þórðardóttir sæti á Alþingi sem varamaður fyrir Halldóru Mogensen.

Sérstök umræða um stöðu sveitarfélaga vegna Covid-19 verður miðvikudaginn 4. nóvember um kl. 15:45. Málshefjandi er Hanna Katrín Friðriksson og til andsvara verður Sigurður Ingi Jóhannsson, samgöngu- og sveitarstjórnarráðherra.

Óundirbúnar fyrirspurnir til ráðherra verða á dagskrá við upphaf þingfundar miðvikudaginn 4. nóvember kl. 15:00. Þá verða til svara forsætisráðherra, heilbrigðisráðherra, utanríkis- og þróunarsamvinnuráðherra, ferðamála-, iðnaðar- og nýsköpunarráðherra, mennta- og menningarmálaráðherra, umhverfis- og auðlindaráðherra og dómsmálaráðherra.

Velferðarnefnd heldur opinn fjarfund miðvikudaginn 4. nóvember kl. 9:00. Tilefni fundarins er það að Landspítali hefur verið færður á neyðarstig. Gestir fundarins verða Páll Matthíasson, forstjóri Landspítalans, Anna Sigrún Baldursdóttir, aðstoðarmaður forstjóra, Már Kristjánsson, yfirlæknir smitsjúkdómadeildar og formaður farsóttanefndar Landspítala, Alma D. Möller landlæknir, Laura Scheving Thorsteinsson, hjúkrunarfræðingur og teymisstjóri, Þórólfur Guðnason sóttvarnalæknir, Svandís Svavarsdóttir heilbrigðisráðherra, Elsa B. Friðfinnsdóttir skrifstofustjóri og Ásta Valdimarsdóttir, ráðuneytisstjóri í heilbrigðisráðuneytinu.

Skrifstofa Alþingis auglýsir eftir lögfræðingum í störf nefndarritara á nefndasvið í tvær ótímabundnar stöður frá 1. febrúar 2021. Nefndarritarar starfa fyrir fastanefndir þingsins, veita lögfræðilega ráðgjöf og aðstoð og sjá um faglega yfirferð stjórnarfrumvarpa og annarra mála sem koma til meðferðar hjá fastanefndum. Umsóknarfrestur er til 16. nóvember. 

Kjördæmadagar eru 29. október – 2. nóvember og eru því engir þingfundir á Alþingi þá daga. Kjördæmadagana nýta þingmenn alla jafna til að fara út í kjördæmi sín og hitta kjósendur, sveitarstjórnafólk, fulltrúa fyrirtækja og fleiri en vegna kórónuveirufaraldursins verða flestir fundir að þessu sinni á fjarfundasniði. 

Árlegur fundur forseta norrænu þjóðþinganna, sem halda átti í tengslum við Norðurlandaráðsþing á Íslandi, var haldinn í fjarfundaformi í dag vegna heimsfaraldurs kórónuveiru. Ræddu þingforsetarnir viðbrögð þjóðþinganna við heimsfaraldrinum og þau áhrif sem hann hefur haft á störf þinganna, en einnig áhrif faraldursins á efnahag og samfélag. 

Norðurlandaráðsþingi sem halda átti í Reykjavík þessa viku var aflýst vegna kórónuveirufaraldursins en þrátt fyrir það er fundað í nefndum, landsdeildum og flokkahópum. Allir fundir eru fjarfundir en vikan verður samt sem áður hápunktur norrænna stjórnmála árið 2020, því fjölmargir mikilvægir pólitískir leiðtogafundir verða haldnir dagana 26.–30. október. Vegna hinnar norrænu þingviku eru engir þingfundir á Alþingi þessa viku.

Konur sem kjósa er heiti bókar um þróun kosningaréttar, lýðræðis og jafnréttis á Íslandi sem kemur út í dag, 24. október, en þann dag eru liðin 45 ár frá kvennafrídeginum 1975. Útgáfuathöfn hafði verið fyrirhuguð í Alþingishúsinu 24. október en vegna kórónuveirufaraldursins var í staðinn gert myndband sem tekið var upp á þremur stöðum: Alþingi, Bessastöðum og Gunnarshúsi.

Sérstök umræða um tollamál (eftirlit með innflutningi á búvörum) verður fimmtudaginn 22. október um kl. 11:00. Málshefjandi er Sigurður Páll Jónsson og til andsvara verður Bjarni Benediktsson, fjármála- og efnahagsráðherra.

Forsætisnefnd Alþingis hefur sett Kjartan Bjarna Björgvinsson héraðsdómara til að sinna starfi umboðsmanns Alþingis samhliða kjörnum umboðsmanni, á meðan hann vinnur að gerð fræðsluefnis fyrir starfsfólk stjórnsýslu ríkis og sveitarfélaga. Kjartan Bjarni er settur umboðsmaður frá 1. nóvember 2020 til 30. apríl 2021. 

Sérstök umræða um loftslagsmál verður þriðjudaginn 20. október um kl. 14:00. Málshefjandi er Smári McCarthy og til andsvara verður Guðmundur Ingi Guðbrandsson, umhverfis- og auðlindaráðherra.

Eftirfarandi þingskjölum var útbýtt á vef Alþingis föstudaginn 16. október:

Íbúð fræðimanns í Kaupmannahöfn, skv. reglum um hús Jóns Sigurðssonar, er laus til afnota árið 2021. Allar nánari upplýsingar og sérstök eyðublöð er að finna á vef Jónshúss. 

Óundirbúnar fyrirspurnir til ráðherra verða á dagskrá við upphaf þingfundar mánudaginn 19. október kl. 15:00. Þá verða til svara forsætisráðherra, utanríkis- og þróunarsamvinnuráðherra og félags- og barnamálaráðherra.   

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 22. október kl. 10:30. Þá verða til svara fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra, ferðamála-, iðnaðar-, og nýsköpunarráðherra, heilbrigðisráðherra, dómsmálaráðherra og umhverfis- og auðlindaráðherra.

Skrifstofa Alþingis er í 30. sæti af 83 í flokki stórra stofnana í starfsánægjukönnuninni Stofnun ársins en niðurstöður hennar voru kynntar á málþingi Sameykis, stéttarfélags í almannaþjónustu, 14. október. Þetta er besti samanlagður heildarárangur skrifstofunnar síðan hún hóf þátttöku í könnuninni.

Tilboði lægstbjóðanda, ÞG verktaka, í þriðja áfanga byggingar skrifstofuhúss á Alþingisreit hefur verið tekið og verður gengið frá samningum á næstu dögum. Kostnaðaráætlun verksins að lokinni yfirferð Fjársýslu ríkisins er 3.340.725.282 m. vsk.

Samkvæmt starfsáætlun er nefndadagur miðvikudaginn 14. október. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi. 

Eftirfarandi þingskjölum var útbýtt á vef Alþingis föstudaginn 9. október:

Óundirbúnar fyrirspurnir til ráðherra verða á dagskrá við upphaf þingfundar mánudaginn 12. október kl. 15:00. Þá verða til svara forsætisráðherra, sjávarútvegs- og landbúnaðarráðherra, ferðamála-, iðnaðar-, og nýsköpunarráðherra, umhverfis- og auðlindaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 15. október kl. 10:30. Þá verða til svara fjármála- og efnahagsráðherra, utanríkis- og þróunarsamvinnuráðherra, mennta- og menningarmálaráðherra og félags- og barnamálaráðherra.

Í nýrri orðsendingu frá forseta og viðbragðsteymi Alþingis til þingmanna og starfsfólks skrifstofu Alþingis í tilefni af hertum sóttvarnaaðgerðum sem tóku gildi á höfuðborgarsvæðinu í dag er minnt á eftirfarandi: Störf Alþingis eru áfram undanþegin fjöldatakmörkunum. Þrátt fyrir það gilda enn þau tilmæli að einungis þeir þingmenn, sem ætla að taka þátt í umræðum eða eiga erindi í þinghúsið, mæti þangað en aðrir fylgist með að heiman eða frá skrifstofum. 

Stjórnskipunar- og eftirlitsnefnd heldur fjarfund miðvikudaginn 7. október kl. 9:00 með Dr. jur. Páli Hreinssyni um álitsgerð um valdheimildir sóttvarnalæknis og heilbrigðisráðherra til opinberra sóttvarnaráðstafana.

Hertar aðgerðir vegna COVID-19 sem tóku gildi um miðnætti í gærkvöld hafa áhrif á starfsemi Alþingis, jafnvel þó að störf Alþingis séu undanskilin fjöldatakmörkunum, samkvæmt reglugerð sem heilbrigðisráðherra hefur staðfest. Í orðsendingu forseta Alþingis, Steingríms J. Sigfússonar, til þingmanna og starfsfólks er minnt á að eins metra reglan sé áfram í gildi og þar sem ekki sé hægt að halda þeirri fjarlægð sé skylt að nota andlitsgrímu.

Ný útgáfa lagasafnsins (150c) hefur verið birt á vef Alþingis. Þar er lagasafnið uppfært til 1. október 2020.

Óundirbúnar fyrirspurnir til ráðherra verða á dagskrá við upphaf þingfundar mánudaginn 5. október kl. 10:30. Þá verða til svara forsætisráðherra, samgöngu- og sveitarstjórnarráðherra, sjávarútvegs- og landbúnaðarráðherra, utanríkis- og þróunarsamvinnuráðherra, ferðamála-, iðnaðar-, og nýsköpunarráðherra, félags- og barnamálaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 8. október kl. 10:30. Þá verða til svara fjármála- og efnahagsráðherra og mennta- og menningarmálaráðherra.

Forseti Alþingis, Steingrímur J. Sigfússon, flutti ávarp við setningu 151. löggjafarþings. Gestir við þingsetninguna að þessu sinni voru mun færri en venjulega vegna sóttvarnaráðstafana. 

Umræðum um stefnuræðu forsætisráðherra verður útvarpað og sjónvarpað í kvöld, fimmtudaginn 1. október, kl. 19:30. Umræðurnar skiptast í þrjár umferðir. Hver þingflokkur hefur 6 mínútur í fyrstu umferð, 5 mínútur í annarri umferð og 4 mínútur í þriðju umferð en forsætisráðherra hefur 12 mínútur til framsögu.

Alþingi verður sett þriðjudaginn 1. október og hefst þingsetningarathöfnin kl. 13:30 með guðsþjónustu í Dómkirkjunni. Stefnuræða forsætisráðherra og umræður um hana verða að kvöldi þingsetningardags, kl. 19:30.

Eftirfarandi þingskjölum var útbýtt á vef Alþingis þriðjudaginn 29. september:

Alþingi verður sett fimmtudaginn 1. október og hefst þingsetningarathöfnin kl. 13:30 með guðsþjónustu í Dómkirkjunni. Vegna kórónuveirufaraldursins verður aðeins örfáum gestum boðið til þingsetningarinnar að þessu sinni.

Starfsáætlun fyrir 151. löggjafarþing hefur verið samþykkt af forsætisnefnd. Þingsetning verður fimmtudaginn 1. október og stefnuræða forsætisráðherra og umræður um hana að kvöldi sama dags.

Vestnorræni dagurinn er haldinn hátíðlegur á Íslandi, Grænlandi og í Færeyjum í dag, 23. september, og af því tilefni er vestnorrænu fánunum flaggað við hús vestnorrænu þinganna.

Eins og áður hefur komið fram er einn þingmaður smitaður af kórónuveirunni og er enn í einangrun af þeim sökum. Þrír þingmenn eru í sóttkví og tveir starfsmenn.

Þingforsetar Norðurlanda og Eystrasaltsríkjanna áttu í dag fjarfund um ástandið í Hvíta-Rússlandi. Gestur fundarins var Svetlana Tsíkanovskaja, leiðtogi stjórnarandstöðunnar þar í landi. Hún fór yfir stöðuna í Hvíta-Rússlandi eftir forsetakosningarnar 9. ágúst sl. og þá bylgju friðsamlegra mótmæla sem reis í kjölfarið. 

Steingrímur J. Sigfússon, forseti Alþingis, og Ragna Árnadóttir, skrifstofustjóri, hafa undirritað samstarfssamning við forsvarsfólk Jafnréttisvísis um eftirfylgni könnunar um starfshætti og vinnustaðamenningu á Alþingi.

Viðbragðsteymi Alþingis hefur greint frá því að niðurstaða úr skimun hafi leitt í ljós að einn þingmaður er smitaður af kórónuveirunni. Þeim sem hafa verið í samskiptum við þingmanninn undanfarna daga hefur verið greint frá stöðunni eftir því sem unnt er. Unnið er að smitrakningu og verður gripið til frekari sóttvarnarráðstafana í húsnæði þingsins samkvæmt viðbragðsáætlun Alþingis.

Á síðsumarsfundi forsætisnefndar Alþingis 14. september sl. var til umfjöllunar frumvarp starfshóps um endurskoðun kosningalaga en starfshópurinn skilaði tillögum sínum í frumvarpsformi í síðustu viku. Tillögurnar eru margþættar en meginefni þeirra lýtur að breyttri stjórnsýslu kosninga, einföldun regluverks og því að sett verði ein heildarlög um kosningar. 

Forsætisnefnd Alþingis hélt sinn árlega sumarfund 14. september sl., en fundurinn var nokkuð seinna en venja er þar sem þingstörfum lauk ekki fyrr en 4. september. Á fundinum var rætt um undirbúning fyrir komandi þinghald, en nýtt þing, 151. löggjafarþing, verður sett 1. október nk. 

Starfshópur um endurskoðun kosningalaga sem forseti Alþingis skipaði í október 2018 hefur lokið störfum og skilað tillögum sínum í formi frumvarps til kosningalaga. Þar er lagt til að lögin gildi um kosningar til Alþingis og sveitarstjórna, um framboð og kjör forseta Íslands og um framkvæmd þjóðaratkvæðagreiðslna.

Þingfundum 150. löggjafarþings var frestað 4. september 2020. Þingið var að störfum frá 10. september til 17. desember 2019, frá 20. janúar til 29. júní 2019 og frá 27. ágúst til 4. september 2020.

Landsdeildir Norðurlanda og Eystrasaltslanda á Evrópuráðsþinginu gáfu í dag út sameiginlega yfirlýsingu um málefni Hvíta-Rússlands. Í yfirlýsingunni kemur fram að forsetakosningar þar í landi 9. ágúst hafi verið langt frá því að uppfylla alþjóðlega viðurkennda staðla lýðræðis og réttarríkja. Fram kemur að það séu grundvallarmannréttindi að fá að taka þátt í frjálsum og lýðræðislegum kosningum og að mótmæla á friðsamlegan hátt.

Tilboð í þriðja áfanga byggingar skrifstofuhúss á Alþingisreit voru opnuð hjá Ríkiskaupum í dag. Fjórir bjóðendur skiluðu inn tilboðum, tvö þeirra voru undir kostnaðaráætlun og tvö yfir kostnaðaráætlun. Tilboðin verða yfirfarin af Framkvæmdasýslu ríkisins og í framhaldinu verður tekin ákvörðun um hvaða tilboði verður tekið. 

Óundirbúnar fyrirspurnir til ráðherra verða á dagskrá við upphaf þingfundar föstudaginn 4. september kl. 10:30. Þá verða til svara fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra og dómsmálaráðherra.

Eftirfarandi þingskjölum var útbýtt á vef Alþingis þriðjudaginn 1. september:

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 3. september kl. 10:30. Þá verða til svara forsætisráðherra, heilbrigðisráðherra, utanríkis- og þróunarsamvinnuráðherra, ferðamála-, iðnaðar-, og nýsköpunarráðherra, mennta- og menningarmálaráðherra, félags- og barnamálaráðherra og umhverfis- og auðlindaráðherra.

Ákveðið hefur verið að mánudagurinn 31. ágúst verði nefndadagur. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi. 

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 1. september kl. 13:30. Þá verða til svara fjármála- og efnahagsráðherra, samgöngu- og sveitarstjórnarráðherra, sjávarútvegs- og landbúnaðarráðherra, utanríkis- og þróunarsamvinnuráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar föstudaginn 28. ágúst kl. 13:30. Þá verða til svara forsætisráðherra, samgöngu- og sveitarstjórnarráðherra, utanríkis- og þróunarsamvinnuráðherra og mennta- og menningarmálaráðherra.

Eftirfarandi þingskjali var útbýtt á vef Alþingis miðvikudaginn 26. ágúst:

Síðsumarsþing hefst fimmtudaginn 27. ágúst. Við upphaf þingfundar, kl. 10:30, flytur forsætisráðherra Alþingi munnlega skýrslu um stöðu mála vegna heimsfaraldurs kórónuveiru. Eftir skýrsluumræðuna mun fjármála- og efnahagsráðherra mæla fyrir tillögu til þingsályktunar um breytingu á þingsályktun nr. 10/148 um fjármálastefnu fyrir árin 2018–2022.

Ákveðið hefur verið að stækka enn frekar það svæði á 2. hæð Alþingishússins sem ætlað er til þingfunda. Þá verða fundir nefnda alla jafna fjarfundir.

Efnahags- og viðskiptanefnd heldur fjarfund fimmtudaginn 27. ágúst kl. 9:00 með seðlabankastjóra um skýrslu peningastefnunefndar Seðlabanka Íslands til Alþingis fyrir fyrri hluta árs 2020. Vegna takmarkana á fundahaldi fastanefnda verður um fjarfund að ræða og því ekki unnt að hafa hann opinn með hefðbundnum hætti eða taka á móti fjölmiðlum á nefndasviði Alþingis. Fundinum verður streymt á vef þingsins og sjónvarpsrás þess.

Eftirfarandi þingskjölum var útbýtt á vef Alþingis þriðjudaginn 25. ágúst:

Heimsráðstefna forseta þjóðþinga, sem fyrirhugað var að halda í Vínarborg á vegum Alþjóðaþingmannasambandsins, er haldin í fjarfundaformi að þessu sinni vegna heimsfaraldurs kórónaveiru. Alþjóðaþingmannasambandið, Inter-Parliamentary Union, hefur skipulagt heimsráðstefnur þingforseta á 5 ára fresti frá árinu 2000. 

Eftirfarandi þingskjölum var útbýtt á vef Alþingis mánudaginn 17. ágúst:

Þingfundum 150. löggjafarþings var frestað 30. júní 2020. Þingið var að störfum frá 10. september til 17. desember 2019 og frá 20. janúar til 30. júní 2020. Þingfundir voru samtals 131 og stóðu í rúmar 672 klst. Meðallengd þingfunda var 5 klst. og 8 mín. Lengsti þingfundurinn stóð í 16 klst. og 7 mín. Lengsta umræðan var um samgönguáætlun en hún stóð samtals í um 45 klst. Þingfundadagar voru alls 104.

Fundum Alþingis var frestað 30. júní til 27. ágúst 2020. Forseti Alþingis, Steingrímur J. Sigfússon, flutti ávarp við þingfrestun og fór yfir þingstörfin. 

Þriðjudaginn 30. júní taka Guðlaugur Þór Þórðarson, Sigríður Á. Andersen og Svandís Svavarsdóttir sæti á ný á Alþingi og víkja þá varamenn þeirra, Albert Guðmundsson, Hildur Sverrisdóttir og Orri Páll Jóhannsson af þingi.

Útboð þriðja áfanga nýbyggingar á Alþingisreit hefur verið auglýst á útboðsvef Ríkiskaupa. Um er að ræða byggingu sjálfs hússins en áður var búið að bjóða út jarðvegsframkvæmdir og vinnslu steinklæðningar sem verður utan á húsinu. Gert er ráð fyrir að tilboðin verði opnuð í ágúst og framkvæmdir hefjist í september. Verklok eru áætluð í lok febrúar 2023. 

Mánudaginn 29. júní tekur Albert Guðmundsson sæti á Alþingi sem varamaður fyrir Guðlaug Þór Þórðarson.

Mánudaginn 29. júní tekur Hildur Sverrisdóttir sæti á Alþingi sem varamaður fyrir Sigríði Á. Andersen.

Almennar stjórnmálaumræður (eldhúsdagsumræður) fara fram á Alþingi þriðjudaginn 23. júní 2020 og verða sendar út í útvarpi og sjónvarpi. Umræðurnar hefjast kl. 19:30, skiptast í þrjár umferðir og hefur hver þingflokkur átta mínútur í fyrstu umferð, fimm mínútur í annarri og fimm mínútur í síðustu umferð.

Á fundi forsætisnefndar í morgun var ákveðið að fella starfsáætlun Alþingis úr gildi frá og með deginum í dag. Eldhúsdagsumræður verða þó samkvæmt fyrri áætlun annað kvöld, 23. júní, með hefðbundnu sniði og hefjast kl. 19:30.

Mánudaginn 22. júní tekur Jón Gunnarsson sæti á ný á Alþingi og víkur þá varamaður hans, Vilhjálmur Bjarnason, af þingi.

Óundirbúnar fyrirspurnir til ráðherra verða á dagskrá við upphaf þingfundar mánudaginn 18. júní kl. 11:00. Þá verða til svara forsætisráðherra, samgöngu- og sveitarstjórnarráðherra, utanríkis- og þróunarsamvinnuráðherra, ferðamála-, iðnaðar- og nýsköpunarráðherra, umhverfis- og auðlindaráðherra og dómsmálaráðherra.

Föstudaginn 19. júní tekur Orri Páll Jóhannsson sæti á Alþingi sem varamaður fyrir Svandísi Svavarsdóttur.

Samkvæmt starfsáætlun er nefndadagur 19. júní. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi. 

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 18. júní kl. 10:30. Þá verða til svara fjármála- og efnahagsráðherra, utanríkis- og þróunarsamvinnuráðherra og ferðamála-, iðnaðar- og nýsköpunarráðherra.

Fjallað er um tildrög þess að Norður-Slésvík sameinaðist Danmörku fyrir einni öld.

Mánudaginn 15. júní tekur Vilhjálmur Bjarnason sæti á Alþingi sem varamaður Jóns Gunnarssonar.

Stjórnskipunar- og eftirlitsnefnd heldur opinn fund mánudaginn 15. júní 2020 í húsnæði nefndasviðs Alþingis í Austurstræti 8–10 og hefst hann kl. 10:00.

Óundirbúnar fyrirspurnir til ráðherra verða á dagskrá við upphaf þingfundar 15. og 18. júní

Óundirbúnar fyrirspurnir til ráðherra verða á dagskrá við upphaf þingfundar föstudaginn 12. maí kl. 12:30. Þá verða til svara forsætisráðherra, fjármála- og efnahagsráðherra, félags- og barnamálaráðherra og ferðamála-, iðnaðar- og nýsköpunarráðherra.

Eftirfarandi þingskjölum var útbýtt á vef Alþingis fimmtudaginn 11. júní:

Eftirfarandi þingskjali var útbýtt á vef Alþingis miðvikudaginn 10. júní:

Forseti hefur í samráði við forsætisnefnd og formenn þingflokka ákveðið að gera breytingar á starfsáætlun. Samkvæmt starfsáætlun Alþingis er föstudagurinn 12. júní nefndadagur. Nú hefur hinsvegar verið ákveðið að hafa þingfund þann dag og hefst hann klukkan 12:30.

Við leitum að jákvæðum og þjónustuliprum starfsmanni í fullt starf í mötuneyti Alþingis. Umsóknarfrestur er til og með 22. júní 2020. 

Samkvæmt starfsáætlun eru nefndadagar 10.–12. júní. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Eftirfarandi þingskjölum var útbýtt á vef Alþingis föstudaginn 5. júní:

Skrifstofa Alþingis auglýsir eftir launafulltrúa til starfa á starfsmannaskrifstofu Alþingis. Starf launafulltrúa felst í umsjón og eftirliti með margþættum verkefnum á sviði kjara- og mannauðsmála fyrir starfsfólk Alþingis. 

Óundirbúnar fyrirspurnir til ráðherra verða á dagskrá við upphaf þingfundar mánudaginn 8. júní kl. 15:00.

Forsætisnefnd samþykkti á fundi sínum fyrr í dag, að höfðu samráði við formenn þingflokka, að á fimmtudaginn verði nefndadagur í stað þingfundar. 

Í samræmi við breytingu sem forsætisnefnd samþykkti á fundi 2. júní 2020 verða fundir í fastanefndum 4. og 5. júní.

Þriðjudaginn 2. júní tekur Albertína Friðbjörg Elíasdóttir sæti á ný á Alþingi og víkur þá varamaður hennar, María Hjálmarsdóttir, af þingi.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 2. júní kl. 13:30. Þá verða til svara forsætisráðherra, sjávarútvegs- og landbúnaðarráðherra, heilbrigðisráðherra, ferðamála-, iðnaðar- og nýsköpunarráðherra og dómsmálaráðherra.

Nú þegar slakað hefur verið á tveggja metra reglunni og 200 manns mega koma saman færist lífið í Alþingishúsinu smám saman í hefðbundið horf. Allir þingmenn geta nú setið í sætum sínum í þingsal og greitt atkvæði með venjubundnum hætti. 

Lið Alþingis, Hjólaþing, tók þátt í keppninni Hjólað í vinnuna dagana 6.–26. maí. Að þessu sinni hafnaði liðið í 9. sæti í flokknum 130–399 starfsmenn. 

Eftirfarandi þingskjölum var útbýtt á vef Alþingis miðvikudaginn 27. maí:

Eftirfarandi þingskjölum var útbýtt á vef Alþingis þriðjudaginn 26. maí:

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 28. maí kl. 10:30. Þá verða til svara fjármála- og efnahagsráðherra, sjávarútvegs- og landbúnaðarráðherra og utanríkis- og þróunarsamvinnuráðherra.

Í samræmi við breytingu sem forsætisnefnd samþykkti á fundi sínum fyrr í dag verða fundir í fastanefndum 26. og 27. maí. 

Forsætisnefnd samþykkti á fundi sínum fyrr í dag, að höfðu samráði við formenn þingflokka, að víxla nefnda- og þingfundadögum í vikunni. Í stað þingfundar á morgun og á miðvikudag verða nefndafundir en þingfundir í stað nefndafunda á fimmtudag og föstudag.

Mánudaginn 25. maí tekur Smári McCarthy sæti á ný á Alþingi og víkur þá varamaður hans, Álfheiður Eymarsdóttir, af þingi.

Eftirfarandi þingskjölum var útbýtt á vef Alþingis föstudaginn 22. maí:

Óundirbúnar fyrirspurnir til ráðherra verða á dagskrá við upphaf þingfundar mánudaginn 25. maí kl. 15:00. Þá verða til svara forsætisráðherra, heilbrigðisráðherra, utanríkis- og þróunarsamvinnuráðherra, ferðamála-, iðnaðar- og nýsköpunarráðherra, félags- og barnamálaráðherra, umhverfis- og auðlindaráðherra og dómsmálaráðherra.

Sérstök umræða um varnartengdar framkvæmdir á Suðurnesjum verður mánudaginn 25. maí um kl. 15:45. Málshefjandi er Birgir Þórarinsson og til andsvara verður Guðlaugur Þór Þórðarson utanríkisráðherra.

Niðurstöður könnunar Félagsvísindastofnunar á starfsumhverfi og vinnustaðamenningu Alþingis með sérstakri áherslu á einelti, kynferðislega og kynbundna áreitni voru kynntar þingmönnum og starfsfólki skrifstofu Alþingis í dag. 

Óundirbúnar fyrirspurnir til ráðherra verða á dagskrá við upphaf þingfundar miðvikudaginn 20. maí kl. 15:00. Þá verða til svara fjármála- og efnahagsráðherra, sjávarútvegs- og landbúnaðarráðherra, heilbrigðisráðherra, utanríkis- og þróunarsamvinnuráðherra, mennta- og menningarmálaráðherra og umhverfis- og auðlindaráðherra.

Mánudaginn 18. maí tekur María Hjálmarsdóttir sæti á Alþingi sem varamaður fyrir Albertínu Friðbjörgu Elíasdóttur.

Eftirfarandi þingskjölum var útbýtt á vef Alþingis föstudaginn 15. maí:

Óundirbúnar fyrirspurnir til ráðherra verða á dagskrá við upphaf þingfundar mánudaginn 18. maí kl. 15:00. Þá verða til svara forsætisráðherra, samgöngu- og sveitarstjórnarráðherra, félags- og barnamálaráðherra, ferðamála-, iðnaðar- og nýsköpunarráðherra og dómsmálaráðherra.

Fundir eru í fastanefndum 14.–16. maí skv. starfsáætlun Alþingis. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Óundirbúnar fyrirspurnir til ráðherra verða á dagskrá við upphaf þingfundar miðvikudaginn 13. maí kl. 15:00. Þá verða til svara fjármála- og efnahagsráðherra, utanríkis- og þróunarsamvinnuráðherra og mennta- og menningarmálaráðherra.

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, hefur lokið störfum og úthlutað íbúð fræðimanns á 2. hæð hússins frá ágústlokum 2020 til sama tíma að ári. 

Óundirbúnar fyrirspurnir til ráðherra verða á dagskrá við upphaf þingfundar mánudaginn 11. maí kl. 15:00. Þá verða til svara forsætisráðherra, samgöngu- og sveitarstjórnarráðherra, heilbrigðisráðherra, ferðamála-, iðnaðar- og nýsköpunarráðherra, dómsmálaráðherra og félags- og barnamálaráðherra.

Samstarfssamningur um útgáfu á dómum og skjölum Yfirréttarins á Íslandi var undirritaður 7. maí af fulltrúum Alþingis, Þjóðskjalasafns og Sögufélags. Alþingi samþykkti í tilefni af aldarafmæli Hæstaréttar í febrúar 2020 að styðja útgáfu á dómum og skjölum Yfirréttarins um 10 millj. kr. árlega næstu 10 ár. Yfirrétturinn starfaði á Alþingi frá 1563 til 1800. 

Forseti Alþingis og yfirstjórn skrifstofu Alþingis tóku í dag á móti viðurkenningu frá Umhverfisstofnun í tilefni þess að Alþingi hefur tekið 3. og 4. Græna skrefið. Öflugt umhverfisstarf hefur verið á Alþingi undanfarin ár og er það hluti af menningu vinnustaðarins að huga að umhverfinu í hvívetna.

Fundir eru í fastanefndum 8. og 9. maí skv. starfsáætlun Alþingis. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi. 

Ákvarðanir og dagskrár forsætisnefndar eru nú birtar á undirsíðu nefndarinnar á vef Alþingis. Þetta er gert í samræmi við breytingar á upplýsingalögum sem samþykkt voru á síðasta þingi og fólu m.a. í sér að gildissvið laganna var látið ná til stjórnsýslu Alþingis.

Fimmtudaginn 7. maí tekur Álfheiður Eymarsdóttir sæti á Alþingi sem varamaður fyrir Smára McCarthy.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 7. maí kl. 10:30. Þá verða til svara fjármála- og efnahagsráðherra, sjávarútvegs- og landbúnaðarráðherra, utanríkis- og þróunarsamvinnuráðherra, og dómsmálaráðherra.

Ný útgáfa lagasafnsins (150b) hefur verið birt á vef Alþingis. Þar er lagasafnið uppfært til 1. maí 2020.

Gerðar hafa verið ráðstafanir til að flestir þingmenn og ráðherrar geti verið á þingfundi samtímis. Þingfundarsvæðið hefur verið stækkað og er nú efrideildarsalur ásamt báðum herbergjunum austur og vestur af þingsalnum hluti þingfundarsvæðisins. Setið er í öðru hverju sæti í þingsalnum, sætaskipan er frjáls, þingmenn eiga ekki fast sæti í þingsal eða í hliðarherbergjum.

Föstudaginn 1. maí tók Þórunn Egilsdóttir sæti á ný á Alþingi og vék þá varamaður hennar, Þórarinn Ingi Pétursson, af þingi.

Óundirbúnar fyrirspurnir til ráðherra verða á dagskrá við upphaf þingfundar mánudaginn 4. maí kl. 15:00. Þá verða til svara forsætisráðherra, samgöngu- og sveitarstjórnarráðherra, heilbrigðisráðherra, ferðamála-, iðnaðar- og nýsköpunarráðherra og umhverfis- og auðlindaráðherra.

Skrifstofa Alþingis auglýsir eftir fræðslustjóra til starfa á rannsókna- og upplýsingaskrifstofu. Starf fræðslustjóra felst einkum í að móta fjölbreytta kynningu og fræðslu um starfsemi Alþingis fyrir alla aldurshópa með áherslu á leik-, grunn- og framhaldsskólanema. Um er að ræða nýtt og spennandi starf í fjölbreyttu og lifandi starfsumhverfi á skrifstofu Alþingis.

Breytingar á þingfundasvæðinu á 2. hæð Alþingishússins hafa verið í undirbúningi með hliðsjón af því að frá og 4. maí nk. verða rýmkaðar reglur sóttvarnayfirvalda um fjölda einstaklinga sem geta verið í sama rými. Þríeykið Alma Möller landlæknir, Þórólfur Guðnason sóttvarnalæknir og Víðir Reynisson, yfirlögregluþjónn hjá almannavarnadeild Ríkislögreglustjóra, komu í Alþingishúsið í gær og áttu fund með forseta, forsætisnefnd og viðbragðsteymi Alþingis.

Forsætisnefnd samþykkti á fundi sínum 29. apríl nýja starfsáætlun fyrir tvo síðustu mánuði vorþings en starfsáætlun fyrir 150. löggjafarþing var tekin úr sambandi 19. mars sl. vegna COVID-19 faraldursins. Gert er ráð fyrir að tvær vikur bætist aftan við upphaflega áætlun.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 30. apríl kl. 10:30. Þá verða til svara fjármála- og efnahagsráðherra, sjávarútvegs- og landbúnaðarráðherra, utanríkis- og þróunarsamvinnuráðherra, mennta- og menningarmálaráðherra og félags- og barnamálaráðherra.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 28. apríl kl. 13:30. Þá verða til svara forsætisráðherra, samgöngu- og sveitarstjórnarráðherra, heilbrigðisráðherra, ferðamála-, iðnaðar- og nýsköpunarráðherra, dómsmálaráðherra og félags- og barnamálaráðherra.

Eftirfarandi þingskjölum var útbýtt á vef Alþingis mánudaginn 27. apríl:

Eftirfarandi þingskjölum var útbýtt á vef Alþingis þriðjudaginn 21. apríl:

Breytt viðvera: Óundirbúnar fyrirspurnir til ráðherra verða á dagskrá við upphaf þingfundar miðvikudaginn 22. apríl kl. 10:30. Þá verða til svara forsætisráðherra, samgöngu- og sveitarstjórnarráðherra og utanríkis- og þróunarmálaráðherra.

Eftirfarandi þingskjölum var útbýtt á vef Alþingis laugardaginn 18. apríl:

Óundirbúnar fyrirspurnir til ráðherra verða á dagskrá við upphaf þingfundar mánudaginn 20. apríl kl. 15:00. Þá verða til svara fjármála- og efnahagsráðherra, samgöngu- og sveitarstjórnarráðherra, ferðamála-, iðnaðar- og nýsköpunarráðherra, félags- og barnamálaráðherra, umhverfisráðherra og dómsmálaráðherra.

Forsetar þjóðþinga Norðurlanda og Eystrasaltsríkja hafa um langt árabil átt árlegan fund sem haldinn er til skiptis í löndunum átta. Vegna kringumstæðna var að þessu sinni haldinn sérstakur fjarfundur þingforsetanna, að frumkvæði forseta finnska þingsins, en halda átti fundinn í Helsinki. Aðalumræðuefni fundarins var áhrif kórónuveirufaraldursins á Norðurlöndum og í Eystrasaltsríkjunum, einkum áhrif á þjóðþingin. 

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 16. apríl kl. 10:30. Þá verða til svara forsætisráðherra, fjármála- og efnahagsráðherra, samgöngu- og sveitarstjórnarráðherra, heilbrigðisráðherra, félags- og barnamálaráðherra og dómsmálaráðherra.

Fyrir hönd Alþingis færir Steingrímur J. Sigfússon, forseti Alþingis, frú Vigdísi Finnbogadóttur, fyrrverandi forseta Íslands, innilegar hamingjuóskir í tilefni af níræðisafmæli hennar í dag. Þessar heillaóskir eru fluttar fyrir hönd allra þingmanna, núverandi og fyrrverandi, sem og starfsfólks Alþingis. 

Forsætisnefnd Alþingis gerði á fundi sínum í dag, 14. apríl, samþykkt um tilhögun þingstarfa fram til 4. maí nk., þess efnis að brottfall starfsáætlunar sem kynnt var 19. mars sl. verði framlengt til þess tíma. Fyrirhugað er að endurskoðuð starfsáætlun fyrir 150. löggjafarþing taki við frá þeim tíma þegar nýjar reglur sóttvarnaryfirvalda hafa litið dagsins ljós.

Þriðjudaginn 14. apríl tekur Þorbjörg Sigríður Gunnlaugsdóttir sæti á Alþingi í stað Þorsteins Víglundssonar sem hefur afsalað sér þingmennsku.

Eftirfarandi þingskjölum var útbýtt á vef Alþingis laugardaginn 11. apríl:

Viðbragðsteymi Alþingis greindi frá því í dag að einn starfsmaður til viðbótar hefði um helgina bæst í hóp þeirra sem greinst hafa með Covid-19 veiruna. Viðkomandi hefur starfsstöð í Blöndahlshúsi, en hefur verið í sóttkví sl. tvær vikur. Fjögur þeirra sem áður veiktust af veirunni hafa náð bata og vonir standa til að hin losni úr einangrun á næstu dögum.

Óvenjulegar aðstæður kalla á óvenjulegar aðgerðir. Í þessari myndasyrpu frá atkvæðagreiðslu á Alþingi mánudaginn 30. mars sést hvernig þingmenn ganga inn í þingsalinn í einfaldri röð, með góðu millibili, og greiða atkvæði, einn í senn, um frumvarp til laga um breytingu á ýmsum lögum til að mæta efnahagslegum áhrifum heimsfaraldurs kórónuveiru. 

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 2. apríl kl. 10:30. Þá verða til svara fjármála- og efnahagsráðherra, sjávarútvegs- og landbúnaðarráðherra, utanríkis- og þróunarmálaráðherra, ferðamála-, iðnaðar- og nýsköpunarráðherra, mennta- og menningarmálaráðherra og dómsmálaráðherra.

Forseti Alþingis hefur fallist á ósk formanna stjórnarandstöðuflokkanna um að boða til þingfundar fimmtudaginn 2. apríl nk. Á dagskrá fundarins er eingöngu óundirbúinn fyrirspurnatími þar sem þingmönnum gefst kostur á að beina spurningum til ráðherra skv. 58. gr. þingskapa. Fundurinn hefst kl. 10:30 árdegis. 

Eftirfarandi þingskjölum  var útbýtt á vef Alþingis sunnudaginn 29. mars:

Óundirbúnar fyrirspurnir til ráðherra verða á dagskrá við upphaf þingfundar mánudaginn 30. mars kl. 10:00. Þá verða til svara forsætisráðherra, fjármála- og efnahagsráðherra, samgöngu- og sveitarstjórnarráðherra og heilbrigðisráðherra.

Til að draga úr hættu af smiti af kórónaveirunni hafa fastanefndir Alþingis undanfarið eingöngu fundað með fjarfundabúnaði. Eins og sjá má á myndum sem hér birtast hafa formenn nefnda verið í nefndaherbergi en aðrir nefndarmenn verið á heimili sínu og gestir verið utan þingsvæðis. Einungis þær fastanefndir sem þurft hafa að fjalla um þingmál sem tengjast Covid-19 faraldrinum halda fundi þessa dagana.

Eftirfarandi þingskjölum var útbýtt utan þingfundar miðvikudaginn 25. mars: 

• Sérstakt tímabundið fjárfestingarátak – stjórnartillaga fjármála- og efnahagsráðherra, þingskjal 1181.
• Aðbúnaður, hollustuhættir og öryggi á vinnustöðum (undanþága frá CE-merkingu) – stjórnarfrumvarp félags- og barnamálaráðherra, þingskjal 1182.

Niðurrekstri á stálþiljum meðfram Tjarnargötu lauk fimmtudaginn 19. mars. Næstu dagar fara í að taka umferðareyjuna í Vonarstræti, breyta gangbraut og girðingu. Síðan verða teknar upp hellur og kantsteinar í götunni, grafið ofan af strengjum og þeir færðir til. Að því búnu er svo komið að „uppúrtekt“ jarðvegs á lóðinni.

Viðbragðsteymi Alþingis greindi frá því í gærkvöld að sex starfsmenn skrifstofunnar (sem allir vinna í sama húsi) og einn þingmaður hafa smitast af kórónaveirunni. Til að tryggja að Alþingi geti sinnt brýnustu löggjafarverkefnum er nauðsynlegt að auka enn frekar smitvarnir á starfssvæði þingsins. Takmarka verður fjölda þingmanna og starfsfólks í þingsal hverju sinni. Mælt er með því að aðeins þeir þingmenn sem þurfa að taka þátt í umræðum á þingfundum í vikunni séu í Alþingishúsinu.

Breytt viðvera: Óundirbúnar fyrirspurnir til ráðherra verða á dagskrá við upphaf þingfundar mánudaginn 23. mars kl. 10:30. Þá verða til svara fjármála- og efnahagsráðherra og heilbrigðisráðherra.

 Eftirfarandi þingskjölum var útbýtt utan þingfundar laugardaginn 21. mars: 

• Aðgerðir til að mæta efnahagslegum áhrifum í kjölfar heimsfaraldurs kórónaveiru – stjórnarfrumvarp fjármála- og efnahagsráðherra, þingskjal 1157.
• Fjáraukalög 2020 – stjórnarfrumvarp fjármála- og efnahagsráðherra, þingskjal 1172.
• Sveitarstjórnarlög (afturköllun ákvörðunar) – frumvarp nefndar, umhverfis- og samgöngunefnd, þingskjal 1175.

Eftirfarandi þingskjölum var útbýtt á vef Alþingis fimmtudaginn 19. mars:

Óundirbúnar fyrirspurnir til ráðherra verða á dagskrá við upphaf þingfundar föstudaginn 20. mars kl. 10:30. Þá verða til svara dómsmálaráðherra, fjármála- og efnahagsráðherra, mennta- og menningarmálaráðherra, umhverfis- og auðlindaráðherra og ferðamála-, iðnaðar- og nýsköpunarráðherra.

Viðbragðsteymi Alþingis greindi frá því síðdegis í dag að niðurstaða úr skimun hefur leitt í ljós að tveir starfsmenn skrifstofunnar hafa bæst í hóp þeirra sem eru smitaðir af kóróna-veirunni, en einn var smitaður fyrir eins og greint var frá 17. mars sl. Báðir þessir starfsmenn voru komnir í sóttkví vegna samskipta við þann sem smitaðist fyrst, en starfsmennirnir þrír hafa starfsstöð í sama húsi, Skúlahúsi, við Kirkjustræti. Smitun er eftir því sem best er vitað eingöngu bundin við það hús. Annað starfsfólk hefur ekki verið sett í sóttkví af smitrakningarteymi Almannavarna í framhaldi af þessu smiti. Þeim sem hafa verið í samskiptum við starfsmennina hefur verið greint frá stöðunni.

Forsætisnefnd samþykkir að taka úr sambandi starfsáætlun Alþingis fyrir 150. löggjafarþing frá og með deginum í dag að telja og til og með 20. apríl fyrst um sinn. Á þeim tíma verða eingöngu boðaðir þingfundir til að takast á við brýn mál sem tengjast COVID-19 heimsfaraldrinum. Brottfall starfsáætlunar þýðir einnig að komið getur til þingfunda á þeim tíma sem áður var reiknað með fundahléi um páska, en þá eingöngu af sömu ástæðum, þ.e. ef brýnt verður að grípa til ráðstafana vegna ástandsins og atbeina Alþingis þarf til.

Starfshópur um endurskoðun kosningalaga hefur nú útbúið drög að frumvarpi til kosningalaga. Óskað er eftir umsögnum og athugasemdum eigi síðar en 8. apríl 2020. Að loknu samráðsferli mun starfshópurinn fara yfir athugasemdir sem berast og í kjölfarið skila forseta Alþingis fullbúnu frumvarpi.

Viðbragðsteymi Alþingis greindi frá því síðdegis í dag að niðurstaða úr skimun hefur leitt í ljós að einn starfsmaður skrifstofunnar er smitaður af kóróna-veirunni. Sá starfsmaður hefur verið veikur og í fyrirskipaðri sóttkví síðustu daga en er nú kominn í einangrun og er á batavegi. Þeim sem hafa verið í samskiptum við þennan einstakling hefur verið greint frá stöðunni.

Mánudaginn 16. mars tekur Sigmundur Davíð Gunnlaugsson sæti á ný á Alþingi og víkur þá varamaður hans Þorgrímur Sigmundsson af þingi.

Eftirfarandi þingskjölum var útbýtt á vef Alþingis föstudaginn 13. mars:

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 17. mars kl. 13:30. Þá verða til svara fjármála- og efnahagsráðherra, samgöngu- og sveitarstjórnarráðherra, heilbrigðisráðherra, mennta- og menningarmálaráðherra, utanríkis- og þróunarsamvinnuráðherra og félags- og barnamálaráðherra.

Eftirfarandi þingskjali var útbýtt á vef Alþingis fimmtudaginn 12. mars:

Staðgreiðsla opinberra gjalda og tryggingagjald (frestun gjalddaga) – stjórnarfrumvarp fjármála- og efnahagsráðherra, þingskjal 1119.

Forsætisráðherra, Katrín Jakobsdóttir, flytur þinginu munnlega skýrslu um aðgerðir stjórnvalda í efnahagsmálum vegna veirufaraldurs í dag, fimmtudaginn 12. mars, kl. 14:15. Í kjölfarið verða umræður um skýrsluna.

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota frá ágústlokum 2020 til sama tíma að ári. Umsóknir um íbúðina skulu hafa borist skrifstofu Alþingis eigi síðar en þriðjudaginn 14. apríl næstkomandi.

Eftirfarandi þingskjölum var útbýtt á vef Alþingis þriðjudaginn 10. mars:

Mánudaginn 9. mars tekur Gunnar Bragi Sveinsson sæti á ný á Alþingi og víkur þá varamaður hans, Una María Óskarsdóttir, af þingi.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 12. mars kl. 10:30. Þá verða til svara forsætisráðherra, heilbrigðisráðherra, utanríkis- og þróunarsamvinnuráðherra, ferðamála-, iðnaðar- og nýsköpunarráðherra, félags- og barnamálaráðherra og samgöngu- og sveitarstjórnarráðherra.

Fundir eru í fastanefndum 9. –11. mars skv. starfsáætlun Alþingis, sbr. breytingu á áætluninni sem forseti tilkynnti um í dag. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Á þingfundi fyrr í dag tilkynnti forseti um breytingu á starfsáætlun. Samkvæmt starfsáætlun Alþingis átti fimmtudagurinn 12. mars að vera nefndadagur. Nú hefur verið ákveðið að hafa þingfund þann dag og hefst hann klukkan 10:30. Nefndir geta fundað fyrir hádegi eða þar til þingfundur hefst.

Í dag og næstu daga má búast við nokkrum hávaða og titringi frá Alþingisreit, á meðan verktaki við jarðvegsframkvæmdir nýbyggingar rekur niður stálþil meðfram Tjarnargötu. Vonir standa til að verkið gangi fljótt og vel fyrir sig, þannig að ónæði fyrir þingmenn, starfsmenn, nágranna og vegfarendur verði í lágmarki.

Viðbragðsáætlun Alþingis við COVID-19 faraldrinum hefur verið virkjuð. Við gerð áætlunarinnar var stuðst við landsáætlun Almannavarna um heimsfaraldur. Áætlunin miðar að því að lágmarka áhrif heimsfaraldurs á starfsemi Alþingis og skrifstofu þingsins og tryggja skipulögð og samræmd viðbrögð ef til slíks faraldurs kemur.

Sérstök umræða um bætt uppeldi, leið til forvarna og lýðheilsu verður fimmtudaginn 5. mars um kl. 11:00. Málshefjandi er Una María Óskarsdóttir og til andsvara verður heilbrigðisráðherra, Svandís Svavarsdóttir.

Miðvikudaginn 4. mars um kl. 15:30 verður sérstök umræða um jafnt atkvæðavægi. Málshefjandi er Helgi Hrafn Gunnarsson og til andsvara verður forsætisráðherra, Katrín Jakobsdóttir.

Miðvikudaginn 4. mars um kl. 16:15 verður sérstök umræða um almannavarnir. Málshefjandi er Ari Trausti Guðmundsson og til andsvara verður forsætisráðherra, Katrín Jakobsdóttir.

Eftirfarandi þingskjölum var útbýtt á vef Alþingis mánudaginn 2. mars:

Mánudaginn 2. mars tekur Una María Óskarsdóttir sæti á Alþingi sem varamaður fyrir Gunnar Braga Sveinsson. Sama dag tekur einnig Þorgrímur Sigmundsson sæti sem varamaður fyrir Sigmund Davíð Gunnlaugsson.

Eftirfarandi þingskjölum var útbýtt á vef Alþingis föstudaginn 28. febrúar:

• Fasteignalán til neytenda (viðskipti lánamiðlara yfir landamæri) – stjórnarfrumvarp fjármála- og efnahagsráðherra, þingskjal 1022.
• Innflutningur dýra (sóttvarna- og einangrunarstöðvar) – stjórnarfrumvarp sjávarútvegs- og landbúnaðarráðherra, þingskjal 1023.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 3. mars kl. 13:30. Þá verða til svara forsætisráðherra, fjármála- og efnahagsráðherra, ferðamála-, iðnaðar- og nýsköpunarráðherra, sjávarútvegs- og landbúnaðarráðherra, umhverfis- og auðlindaráðherra, utanríkis- og þróunarsamvinnuráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 5. mars kl. 10:30. Þá verða til svara heilbrigðisráðherra, utanríkis- og þróunarsamvinnuráðherra og samgöngu- og sveitarstjórnarráðherra.

Við upphaf þingfundar mánudaginn 24. febrúar tilkynnti forseti um tvær breytingar á starfsáætlun. Fimmtudagurinn 27. febrúar verður nefndadagur en ekki þingfundadagur. Jafnframt kynnti forseti beiðni sem honum hafði borist frá fjármála- og efnahagsráðuneytinu um að fyrri umræða um fjármálaáætlun fyrir árin 2021–2025 fari fram nokkrum dögum síðar en starfsáætlun Alþingis gerir ráð fyrir eða 30. og 31. mars í stað 24. og 25. mars.

Mánudaginn 24. febrúar taka Sigmundur Davíð Gunnlaugsson og Njáll Trausti Friðbertsson sæti á ný á Alþingi og víkja þá varamenn þeirra Þorgrímur Sigmundsson og Valgerður Gunnarsdóttir af þingi.

Óundirbúnar fyrirspurnir til ráðherra verða á dagskrá við upphaf þingfundar mánudaginn 24. febrúar kl. 15:00. Þá verða til svara forsætisráðherra, fjármála- og efnahagsráðherra, heilbrigðisráðherra, mennta- og menningarmálaráðherra, ferðamála-, iðnaðar- og nýsköpunarráðherra, sjávarútvegs- og landbúnaðarráðherra, umhverfis- og auðlindaráðherra og dómsmálaráðherra.

Mánudaginn 24. febrúar, um kl. 15:45, verður sérstök umræða um stöðu efnahagsmála og viðbrögð ríkisstjórnarinnar við kólnun hagkerfisins. Málshefjandi er Þorsteinn Víglundsson og til andsvara verður Bjarni Benediktsson, fjármála- og efnahagsráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 27. febrúar kl. 10:30. Þá verða til svara utanríkis- og þróunarsamvinnuráðherra og samgöngu- og sveitarstjórnarráðherra.

Samkvæmt starfsáætlun Alþingis er nefndadagur miðvikudaginn 26. febrúar 2020. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Fimmtudaginn 20. febrúar um kl. 11 verður sérstök umræða um stuðning við rannsóknir og nýsköpun utan höfuðborgarsvæðisins. Málshefjandi er Albertína Friðbjörg Elíasdóttir og til andsvara verður ferðamála-, iðnaðar- og nýsköpunarráðherra, Þórdís Kolbrún R. Gylfadóttir.

Forseti Alþingis, Steingrímur J. Sigfússon, flutti ávarp á hátíðarsamkomu í tilefni aldarafmælis Hæstaréttar Íslands, sem fram fór í Þjóðleikhúsinu sunnudaginn 16. febrúar 2020.

Mánudaginn 17. febrúar tekur Þorgrímur Sigmundsson sæti á Alþingi sem varamaður fyrir Sigmund Davíð Gunnlaugsson og Valgerður Gunnarsdóttir tekur sæti sem varamaður fyrir Njál Trausta Friðbertsson.

Óundirbúnar fyrirspurnir til ráðherra verða á dagskrá við upphaf þingfundar mánudaginn 17. febrúar kl. 15:00. Þá verða til svara forsætisráðherra, heilbrigðisráðherra, félags- og barnamálaráðherra, sjávarútvegs- og landbúnaðarráðherra, umhverfis- og auðlindaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 20. febrúar kl. 10:30. Þá verða til svara fjármála- og efnahagsráðherra, mennta- og menningarmálaráðherra og ferðamála-, iðnaðar- og nýsköpunarráðherra.

Samkvæmt starfsáætlun Alþingis er nefndadagur miðvikudaginn 19. febrúar. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Það sem hæst hefur borið í opinberri heimsókn forseta Alþingis til Nýja Sjálands síðustu daga er þingmannasamstarf, samvinna á sviði jarðvarma og möguleikar á sviði ferðaþjónustu og viðskipta. Ááætlað er að um 100 nýsjálenskir gestir sæki stóra jarðhitaráðstefnu sem haldin verður í Reykjavík í lok apríl.

Mánudaginn 10. febrúar tekur Steinunn Þóra Árnadóttir sæti á ný á Alþingi og víkur þá varamaður hennar, Halla Gunnarsdóttir, af þingi.

Steingrímur J. Sigfússon, forseti Alþingis, er í opinberri heimsókn á Nýja Sjálandi 9.–13. febrúar í boði forseta nýsjálenska þingsins, Trevors Mallard. Með forseta í för eru Helgi Hrafn Gunnarsson, 6. varaforseti Alþingis, og Hanna Katrín Friðriksson, formaður þingflokks Viðreisnar, ásamt Jörundi Kristjánssyni, forstöðumanni forsetaskrifstofu.

Kjördæmadagar eru 10.–13. febrúar og eru því engir þingfundir á Alþingi þá vikuna. Kjördæmadagana nýta þingmenn til að fara út í kjördæmi sín og hitta kjósendur, sveitarstjórnafólk, fulltrúa fyrirtækja og fleiri. Næsti þingfundur verður haldinn mánudaginn 17. febrúar samkvæmt starfsáætlun Alþingis.

Forseti Alþingis, Steingrímur J. Sigfússon, flutti ávarp þegar tekin var skóflustunga að nýbyggingu á Alþingisreit 4. febrúar 2020.

Fyrsta skóflustungan að nýbyggingu Alþingis var tekin í dag, 4. febrúar, og markar hún formlegt upphaf framkvæmda við nýbygginguna á Alþingisreit. Byggingin er þjónustukjarni sem í fyllingu tímans mun sameina á einum stað alla starfsemi nefndasviðs, skrifstofur þingmanna, funda- og vinnuaðstöðu þingflokka o.s.frv.

Mánudaginn 3. febrúar tekur Halla Gunnarsdóttir sæti á Alþingi sem varamaður fyrir Steinunni Þóru Árnadóttur.

Ný útgáfa lagasafnsins (150a) hefur verið birt á vef Alþingis. Þar er lagasafnið uppfært til 10. janúar 2020.

Efnahags- og viðskiptanefnd heldur opinn fund fimmtudaginn 6. febrúar kl. 9:00. Efni fundarins er skýrsla peningastefnunefndar Seðlabanka Íslands til Alþingis fyrir seinni hluta ársins 2019. Gestur fundarins verður Ásgeir Jónsson seðlabankastjóri.

Óundirbúnar fyrirspurnir til ráðherra verða á dagskrá við upphaf þingfundar mánudaginn 3. febrúar kl. 15:00. Þá verða til svara heilbrigðisráðherra, ferðamála-, iðnaðar- og nýsköpunarráðherra, umhverfis- og auðlindaráðherra, utanríkis- og þróunarsamvinnuráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 6. febrúar kl. 10:30. Þá verða til svara fjármála- og efnahagsráðherra, félags- og barnamálaráðherra, mennta- og menningarmálaráðherra, sjávarútvegs- og landbúnaðarráðherra og utanríkis- og þróunarsamvinnuráðherra.

Fimmtudaginn 30. janúar um kl. 11:00 verður sérstök umræða um örorku kvenna og álag við umönnun. Málshefjandi er Guðmundur Andri Thorsson og til andsvara verður heilbrigðisráðherra, Svandís Svavarsdóttir.

Samkvæmt starfsáætlun Alþingis er nefndadagur miðvikudaginn 5. febrúar. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Miðvikudaginn 29. janúar um kl. 15:30 verður sérstök umræða um jafnrétti til náms óháð búsetu. Málshefjandi er Vilhjálmur Árnason og til andsvara verður mennta- og menningarmálaráðherra, Lilja Alfreðsdóttir.

Þriðjudaginn 28. janúar um kl. 14:15 verður sérstök umræða um útgreiðslu persónuafsláttar. Málshefjandi er Halldóra Mogensen og til andsvara verður fjármála- og efnahagsráðherra, Bjarni Benediktsson.

Skrifstofa Alþingis auglýsir eftir íslenskusérfræðingi til starfa í nýrri deild á þingfundasviði. Starf sérfræðings felst í yfirlestri á ræðum úr þingsal og þingskjölum, auk uppsetningar, umbrots og frágangs þingskjala og þingræðna fyrir útgáfu á vef og í prentuðu formi.

Mánudaginn 27. janúar taka ellefu varamenn sæti á Alþingi: Arna Lára Jónsdóttir fyrir Guðjón S. Brjánsson, Elvar Eyvindsson fyrir Birgi Þórarinsson, Jónína Björk Óskarsdóttir fyrir Guðmund Inga Kristinsson, Ásgerður K. Gylfadóttir fyrir Silju Dögg Gunnarsdóttur, Njörður Sigurðsson fyrir Oddnýju G. Harðardóttur, Olga Margrét Cilia fyrir Þórhildi Sunnu Ævarsdóttur, Stefán Vagn Stefánsson fyrir Höllu Signýju Kristjánsdóttur, Una Hildardóttir fyrir Rósu Björk Brynjólfsdóttur, Eydís Blöndal fyrir Kolbein Óttarsson Proppé, Bjarni Jónsson fyrir Lilju Rafneyju Magnúsdóttur og Karen Elísabet Halldórsdóttir fyrir Bryndísi Haraldsdóttur.

Óundirbúnar fyrirspurnir til ráðherra verða á dagskrá við upphaf þingfundar þriðjudaginn 28. janúar kl. 13:30. Þá verða til svara fjármála- og efnahagsráðherra, heilbrigðisráðherra, mennta- og menningarmálaráðherra, ferðamála-, iðnaðar- og nýsköpunarráðherra, félags- og barnamálaráðherra og dómsmálaráðherra.

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 30. janúar kl. 10:30. Þá verða til svara forsætisráðherra, sjávarútvegs- og landbúnaðarráðherra, utanríkis- og þróunarsamvinnuráðherra og samgöngu- og sveitarstjórnarráðherra.

Fimmtudaginn 23. janúar um kl. 11:00 verður sérstök umræða um fiskveiðistjórnarkerfið. Málshefjandi er Þorsteinn Víglundsson og til andsvara verður sjávarútvegs- og landbúnaðarráðherra, Kristján Þór Júlíusson. 

Fimmtudaginn 23. janúar um kl. 11:45 verður sérstök umræða um stefnu stjórnvalda í matvælaframleiðslu. Málshefjandi er Lilja Rafney Magnúsdóttir og til andsvara verður sjávarútvegs- og landbúnaðarráðherra, Kristján Þór Júlíusson.

Miðvikudaginn 22. janúar um kl. 15:30 verður sérstök umræða um stöðu hjúkrunarheimila og Landspítala. Málshefjandi er Anna Kolbrún Árnadóttir og til andsvara verður Svandís Svavarsdóttir, heilbrigðisráðherra.

Guðrún Ögmundsdóttir, fyrrverandi alþingismaður, andaðist á líknardeild Landspítalans á gamlársdag, 31. desember 2019. Hennar var minnst við upphaf þingfundar í dag.

Stjórnskipunar- og eftirlitsnefnd heldur opinn fund miðvikudaginn 22. janúar kl. 09:00. Efni fundarins er frumkvæðisathugun á hæfi sjávarútvegs- og landbúnaðarráðherra í ljósi stöðu hans gagnvart útgerðarfyrirtækinu Samherja.

Alþingi kemur saman á ný til funda eftir jólahlé mánudaginn 20. janúar kl. 3 síðdegis. Í upphafi fundar mun forsætisráðherra lesa forsetabréf um framhaldsfundi Alþingis. Síðan mun forseti Alþingis fresta þingfundi til kl. 4. Þegar þingfundur hefst að nýju kl. 4 verður í upphafi minnst látins alþingismanns. Að venju verður gert nokkurra mínútna hlé að loknum lestri minningarorða. Þá les forseti tilkynningar og síðan hefst umræða um stöðuna í stjórnmálum í byrjun árs og verkefnin framundan.