Tilkynningar
Atkvæðagreiðsla í einfaldri röð um bandorm
Óvenjulegar aðstæður kalla á óvenjulegar aðgerðir. Í þessari myndasyrpu frá atkvæðagreiðslu á Alþingi mánudaginn 30. mars sést hvernig þingmenn ganga inn í þingsalinn í einfaldri röð, með góðu millibili, og greiða atkvæði, einn í senn, um frumvarp til laga um breytingu á ýmsum lögum til að mæta efnahagslegum áhrifum heimsfaraldurs kórónuveiru.
Frumvarpið er svokallaður bandormur, sem er skilgreint þannig: Lagafrumvarp sem felur í sér breytingar á mörgum lögum samtímis er gjarnan nefnt bandormur þar sem það er í mörgum liðum eins og dýrið sem það dregur heiti sitt af.
