Málverk af Guðbjarti Hannessyni í Alþingishúsinu
Málverk af Guðbjarti Hannessyni, fyrrverandi forseta Alþingis, var afhjúpað í Skála Alþingishússins í dag að viðstöddum forseta Alþingis, fjölskyldu, vinum og samstarfsfólki Guðbjarts úr Samfylkingunni, og fleiri gestum.
Stephen Lárus Stephen listmálari málaði myndina og verður henni komið fyrir í efrideildarsal.
Guðbjartur Hannesson var forseti Alþingis árið 2009.
Guðbjartur var alþingismaður Norðvesturkjördæmis frá árinu 2007 þar til hann lést, 23. október 2015. Hann var þingmaður fyrir Samfylkinguna og var félags- og tryggingamálaráðherra og heilbrigðisráðherra 2010 og velferðarráðherra 2011–2013.
Steingrímur J. Sigfússon, forseti Alþingis, ásamt Sigrúnu Ásmundsdóttur, ekkju Guðbjarts, við afhjúpun málverksins af Guðbjarti Hannessyni.
Oddný G. Harðardóttir, formaður þingflokks Samfylkingarinnar, flutti ávarp fyrir hönd flokkssystkina.
Sigrún Ásmundsdóttir og dæturnar Hanna María og Birna Guðbjartsdætur.
Sigrún Ásmundsdóttir ásamt Stephen Lárus Stephen listmálara, höfundi portrettsins.