Tilkynningar
Nefndadagur miðvikudaginn 26. febrúar
Samkvæmt starfsáætlun Alþingis er nefndadagur miðvikudaginn 26. febrúar 2020. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.
Við ákvörðun um fundatíma á nefndadögum er reynt að gæta samræmis en jafnframt tekið mið af stöðu mála í nefndum og fundaþörf nefndanna.
Gert er ráð fyrir að nefndir fundi á eftirfarandi tímum:
- Kl. 9–12: Fjárlaganefnd, stjórnskipunar- og eftirlitsnefnd, utanríkismálanefnd og velferðarnefnd
- Kl. 12–13: Þingskapanefnd
- Kl. 13–15: Fundatími þingflokka
- Kl. 15–18: Allsherjar- og menntamálanefnd, atvinnuveganefnd, efnahags- og viðskiptanefnd og umhverfis- og samgöngunefnd
Endanlegir fundatímar nefnda og dagskrár funda birtast á síðunni Nefndafundir á vef Alþingis.