Tilkynningar
Fundur opinn fréttamönnum í umhverfis- og samgöngunefnd Alþingis 22. nóvember
Fundur umhverfis- og samgöngunefndar Alþingis þriðjudaginn 22. nóvember 2011 kl. 13-15 verður opinn fréttamönnum. Til umræðu verður öryggi ferðamanna á Íslandi.
Fundurinn verður haldinn í húsnæði nefndasviðs Alþingis í Austurstræti 8-10 og verður opinn fjölmiðlamönnum meðan húsrúm leyfir.
Fundurinn er opinn fréttamönnum en er hvorki tekinn upp né sent beint út frá honum á vegum Alþingis.
Gestir á fundinum verða frá Slysavarnafélaginu Landsbjörgu, Ferðamálasamtökum Íslands, Ferðamálastofu, Fjarskiptamiðstöð, Landsvirkjun, lögreglunni á höfuðborgarasvæðinu, Landhelgisgæslunni, FÍB og EuroRAP og EuroTAP á Íslandi.
Fundurinn verður haldinn með stoð í nýju ákvæði 2. mgr. 19. gr. laga um þingsköp Alþingis.
