Tilkynningar
Um nýjan vef Alþingis
Forseti Alþingis, Halldór Blöndal, opnaði 27. september nýjan vef Alþingis. Undanfarin missiri hefur verið unnið að gerð nýs Alþingisvefs og er tilgangurinn með breytingum í meginatriðum fjórþættur:
1. Að gera vefinn lifandi með þeim hætti að fólk fái sem fyrst upplýsingar um það sem er að gerast í þingstarfinu: Hvaða nefndafundir eru í gangi, hvaða ný mál hafa verið lögð fram, hver er dagskrá þingfundar, hvaða lög eru ný, hvaða varamaður hefur tekið sæti á Alþingi o.s.frv. Forsíðan tekur mið af þessu markmiði.
2. Að gera vefinn notendavænni. Gagnaleit er auðvelduð og útlit vefsíðna er samræmt. Enn má margt betur fara í þessum efnum og verður vefurinn því í frekari endurskoðun að þessu leyti á næstu vikum og mánuðum.
3. Að gera vefinn persónutengjanlegan með þeim hætti að hver og einn geti að hluta til valið það efni sem birtist honum á vefnum. Vinstri dálkur forsíðu vefsins verður sameiginlegur fyrir alla en hins vegar verður mögulegt að breyta hægri dálki og setja þar inn það efni sem menn vilja helst hafa til viðbótar á forsíðunni. Þá mun hver og einn geta hannað það sem kallað er "Síðan mín" (sem er undirsíða forsíðunnar) og haft á þeirri síðu efni bæði í vinstri og hægri dálki sem þeir helst kjósa. Tæknilegir hnökrar kunna að verða á þessu fyrstu dagana og er fólk beðið að taka tillit til þess. Alþingi verður fyrsta þingið í Evrópu sem býður upp á persónutengjanlegan vef.
4. Að vefurinn sé hluti af samræmdri heildarmynd af útgáfuefni Alþingis. Það er því lögð áhersla á að á vefnum séu sömu litir og undanfarin ár hafa verið í prentuðu útgáfuefni þingsins (handbók, ársskýrslu, kynningarbæklingum o.fl.). Þetta eru sömu litirnir og eru í þingsalnum og sem hafa unnið sér hefð sem litir Alþingis.
Til viðbótar þessum meginmarkmiðum var myndefni aukið á vefnum. Birtar eru t.d. myndir frá þingfundum, nefndafundum og heimsóknum í Alþingishúsið.
Vinna við endurgerð vefs hefur að mestu verið á hendi starfsfólks Alþingis. Útlit vann Kristín Eva Ólafsdóttir hjá Gagarín ehf.
1. Að gera vefinn lifandi með þeim hætti að fólk fái sem fyrst upplýsingar um það sem er að gerast í þingstarfinu: Hvaða nefndafundir eru í gangi, hvaða ný mál hafa verið lögð fram, hver er dagskrá þingfundar, hvaða lög eru ný, hvaða varamaður hefur tekið sæti á Alþingi o.s.frv. Forsíðan tekur mið af þessu markmiði.
2. Að gera vefinn notendavænni. Gagnaleit er auðvelduð og útlit vefsíðna er samræmt. Enn má margt betur fara í þessum efnum og verður vefurinn því í frekari endurskoðun að þessu leyti á næstu vikum og mánuðum.
3. Að gera vefinn persónutengjanlegan með þeim hætti að hver og einn geti að hluta til valið það efni sem birtist honum á vefnum. Vinstri dálkur forsíðu vefsins verður sameiginlegur fyrir alla en hins vegar verður mögulegt að breyta hægri dálki og setja þar inn það efni sem menn vilja helst hafa til viðbótar á forsíðunni. Þá mun hver og einn geta hannað það sem kallað er "Síðan mín" (sem er undirsíða forsíðunnar) og haft á þeirri síðu efni bæði í vinstri og hægri dálki sem þeir helst kjósa. Tæknilegir hnökrar kunna að verða á þessu fyrstu dagana og er fólk beðið að taka tillit til þess. Alþingi verður fyrsta þingið í Evrópu sem býður upp á persónutengjanlegan vef.
4. Að vefurinn sé hluti af samræmdri heildarmynd af útgáfuefni Alþingis. Það er því lögð áhersla á að á vefnum séu sömu litir og undanfarin ár hafa verið í prentuðu útgáfuefni þingsins (handbók, ársskýrslu, kynningarbæklingum o.fl.). Þetta eru sömu litirnir og eru í þingsalnum og sem hafa unnið sér hefð sem litir Alþingis.
Til viðbótar þessum meginmarkmiðum var myndefni aukið á vefnum. Birtar eru t.d. myndir frá þingfundum, nefndafundum og heimsóknum í Alþingishúsið.
Vinna við endurgerð vefs hefur að mestu verið á hendi starfsfólks Alþingis. Útlit vann Kristín Eva Ólafsdóttir hjá Gagarín ehf.