Nýr ríkisendurskoðandi
Nýr ríkisendurskoðandi, Skúli Eggert Þórðarson, tók til starfa í dag. Hann var einróma kosinn ríkisendurskoðandi á Alþingi þann 16. apríl síðastliðinn.
Forseti Alþingis, Steingrímur J. Sigfússon, heimsótti nýjan ríkisendurskoðanda á fyrsta starfsdegi hans. Sveinn Arason, fráfarandi ríkisendurskoðandi, lætur af störfum fyrir aldurs sakir.
Ríkisendurskoðandi er kosinn af Alþingi samkvæmt lögum nr. 46/2016 um ríkisendurskoðanda og endurskoðun ríkisreikninga.
Helgi Bernódusson, skrifstofustjóri Alþingis, Skúli Eggert Þórðarson ríkisendurskoðandi, Steingrímur J. Sigfússon, forseti Alþingis, Sveinn Arason, fráfarandi ríkisendurskoðandi og Lárus Ögmundsson, yfirlögfræðingur Ríkisendurskoðunar.