Heimsóknir og fræðsla

Boðið er upp á leiðsögn og fræðslu fyrir skóla og aðra hópa í námslegum tilgangi. Ekki er boðið upp á leiðsögn fyrir almenna gesti. Hægt er að sníða efnistök að þörfum hvers og eins hóps. 

Á fræðslusíðu Alþingis má nálgast upplýsingar um það sem í boði er fyrir öll skólastig.

Hægt er að senda tölvupóst varðandi fyrirspurnir og til að bóka heimsókn fyrir skólahópa.

Hópar

Tekið er á móti skólahópum sem vilja kynnast starfsemi Alþingis og skoða Alþingis­húsið. Nauðsynlegt er að skipuleggja heimsóknir hópa með góðum fyrirvara. Móttaka hópa fer að jafnaði fram utan þingfundar­tíma. Fræðsluteymi skrifstofu Alþingis annast heimsóknir hópa í Alþingis­­húsið. Á meðan þing­fundur stendur eru þing­pallar öllum opnir. Þing­pallarnir eru á þriðju hæð Alþingis­hússins. Gengið er inn á þingpalla frá Templara­sundi.  

Hægt er að bóka heimsóknir skólahópa með því að senda tölvupóst eða hringja í síma 563 0500.

 

Skólaþing

Skólaþing er kennsluver Alþingis fyrir 8.–10. bekki grunn­skólans. Með Skólaþingi er leitast við að efla skilning og þekkingu nemenda á stjórn­skipulagi okkar, störfum Alþingis og lýð­ræðislegum vinnu­brögðum. Tölvutækni og marg­miðlun eru nýtt til að miðla upplýs­ingum og stýra leiknum.

Til að hægt sé að leika leikinn verða minnst 12 nemendur að taka þátt og í mesta lagi 32. Heimsókn í Skólaþing tekur að jafnaði tvær og hálfa til þrjár klukku­stundir. Heimsókn í Skólaþing er ókeypis. 

Með Skóla­þinginu er komið til móts við áhuga skóla á því að koma með nemendur í vettvangs­ferðir á Alþingi. Skóla­þingi er þannig ætlað að auka fjölbreytni í fræðslu um Alþingi. 

Nánari upplýsingar er að finna á vef Skólaþings.