fjárlög 2027 Virðulegi forseti. Það er gott að hv. þingmaður gengst við því að þessi halli sé til kominn vegna Covid og Reykjanesselda. Það er ekki þannig að núverandi hæstv. fjármálaráðherra, Alþjóðagjaldeyrissjóðurinn, fjármálaráð — Moody's hækkaði lánshæfismatið áður en þessi ríkisstjórn hóf störf og það hefði ekki verið gert ef staða ríkisfjármála hefði verið slæm. Hún var það ekki. Í öllum alþjóðlegum samanburði kom hún vel út þannig að það að reyna að teikna myndina upp eitthvað öðruvísi gengur ekki eftir. Það er auðvelt að segja: Við hefðum bara gert þetta allt öðruvísi og tekið miklu frekar á þessu. Þið tókuð við í desember 2024. Tekjurnar árið 2025 voru 60 milljörðum meiri en menn ætluðu. Þið komuð með fjögur fjáraukalög og þið voruð ekki að gera það sem hv. þingmaður segir að þið hafið viljað gera. Þið voruð ekki að því. Þessar eftiráskýringar standast enga skoðun.