fjárlög 2027 Frú forseti. Það var nú þannig haustið 2024, það er kannski ágætt að halda því til haga í umræðunni, að kolefnisgjöldin voru hækkuð mun meira haustið 2024 til að ná upp í þau markmið sem voru þá. Þá ættum við alveg eins að skoða það núna hér, ef kílómetragjöldin eru málið, að lækka kolefnisgjöldin. Þau voru hækkuð um 4 milljarða á sínum tíma þegar það gafst ekki færi á eða það var ekki vilji til að klára kílómetragjaldið í fjárlögunum sem við samþykktum í nóvember 2024 fyrir árið 2025, bara til að halda söguskýringunni algerlega til haga. Hver var hinn punkturinn sem þú vildir helst fara í? Já, vörugjöldin. Þá vil ég bara benda á Seðlabankann, þegar þeir tilkynntu stýrivaxtahækkunina sem kom síðast, eina af þremur sem hafa komið í röð upp á 0,25%. Þar var nú tekið einmitt fram að opinber gjöld hefðu veruleg áhrif á verðbólguþrýstinginn sem væri uppi í þessu landi, það kom frá Seðlabankanum. Það hefur ekkert farið á milli mála hvernig Seðlabankinn hefur talað um þessi mál og verðbólguþrýstinginn á undanförnum misserum. Það er bara mikilvægt að það sé fyrirsjáanleiki. Ég held að við munum það alveg að um síðustu áramót þá kom fram að verðbólguþrýstingurinn í byrjun árs hefði komið að stórum hluta út frá vörugjöldunum. Það var reiknað með því í síðustu fjárlögum að þrýstingurinn af verðbólgu yrði 0,1% upp, með vörugjöldunum, en samkvæmt gögnum sem komu síðar voru það 0,6%. Það var miklu meiri hækkun heldur en var reiknað með þegar við ræddum þetta fyrir ári síðan. Það er bara mikilvægt að svona fyrirsjáanleiki sé til staðar í öllu sem við gerum.