fjárlög 2027 Frú forseti. Ég er orðinn svolítið þreyttur á þessu orði sem er búið að vera inni í fjárlögunum frá sirka árinu 2011: skattstyrkir. Þetta er sífellt svona. Þetta var komið inn í vinstri stjórninni 2009–2013, væntanlega 2011, skattstyrkir. Ferðaþjónustan kemur fram í fjárlagafrumvarpinu, skattstyrkir. Undir það fellur t.d. gistiþáttur ferðaþjónustunnar, svo öllum sé ljóst hvernig hæsta talan verður til, en það er bara þannig alls staðar í Evrópu að gistingin er í neðra þrepi virðisaukans. Þjóðverjar lækkuðu niður í neðra þrep bara fyrir örfáum árum. Það er öll Evrópa þarna. Er það næsta sem við þurfum að óttast kannski að Samfylkingin, Viðreisn og Flokkur fólksins boði það að fara með gistiþátt ferðaþjónustunnar upp í efra þrepið á skjön við allt og alla í Evrópu þar sem neðra þrepið ræður för, 11–14%?