fjárlög 2027 Herra forseti. Ég þakka forsætisráðherra fyrir svarið. Krónutölugjöld eiga almennt að hækka um 5,2% og kílómetragjaldið á að hækka um tæp 16%. Þessar hækkanir leggjast ofan á dagleg útgjöld heimila og rekstur fyrirtækja um land allt. Forsætisráðherra getur ekki skýlt sér á bak við fyrri ríkisstjórn eins og hún gerir hér daglega. Þetta er hennar fjárlagafrumvarp. Þetta eru ákvarðanir hennar ríkisstjórnar og hún ber ábyrgð á þeim. Ríkisstjórnin biður aðra um að sýna hófsemi til að ná niður verðbólgu og hún verður þá að gera sömu kröfu til sjálfrar sín. Hvers vegna telur forsætisráðherra rétt að ríkið hækki gjöld sín langt umfram verðbólgumarkmið Seðlabankans á sama tíma og hún biðlar til allra annarra um að sýna hófsemi?