fjárlög 2027 Virðulegi forseti. Ég þakka hæstv. ráðherra fyrir svörin. Þegar rætt er um loftslagsfjármagn finnst mér ekki síður mikilvægt að horfa til þess hvaða árangri fjármunirnir skila. Háar fjárhæðir segja í sjálfu sér ekki alla söguna ef ekki er jafnframt hægt að sjá hvaða aðgerðir skila mestum árangri og hvar fjármunirnir nýtast best. Mig langar því að spyrja hæstv. ráðherra: Hvernig er lagt mat á árangur þeirra fjármuna sem varið er til loftslagsaðgerða? Er hægt að sjá með skýrum hætti hvaða verkefni skila mestum árangri fyrir það fjármagn sem ríkið leggur til?