fjárlög 2027 Virðulegur forseti. Ég þakka hæstv. ráðherra kærlega fyrir svarið. Afsökunarbeiðnin er að sjálfsögðu tekin til greina. Það sem mig langar að spyrja hæstv. ráðherra aðeins að og var til umfjöllunar hér í fyrri ræðu og er ekki alveg það sem ég ætlaði að spyrja um en hnaut um — er þegar hæstv. ráðherra fór að tala um bílaleigurnar og þessa 10 milljarða sem voru settir inn í bílaleigurnar og einhvern veginn virðast hafa skilað sér illa. Nú er það þannig, ef ég man rétt, að þú færð ekki rafbílastyrk nema kaupa rafbíl og ef ég man þetta rétt sömuleiðis þá er það þannig að bílaleigurnar á Íslandi eru langstærsti hlutinn af endursölumarkaði bíla á landinu. Það hlýtur þá að vera að með því að bílaleigurnar geti fjárfest meira í rafbílum, sem þær hafa væntanlega nýtt þessa 10 milljarða í, séum við að fá fleiri rafbíla inn á markaðinn í endursölu. Er þetta rangur skilningur hjá mér, virðulegur forseti?