fjárlög 2027 Virðulegur forseti. Ég þakka hæstv. ráðherra fyrir heiðarlegt svar. Þetta eru bara þannig tölur að þær stinga í augu þegar maður les fjárlagafrumvarpið og málefnasviðin þannig að ég held að það væri mjög hollt fyrir okkur og þau sem eru í fjárlaganefnd að fá betri skýringar á þessu frá hæstv. ráðherra þegar þær liggja fyrir því að það er alveg ljóst að þær eru til. En ef hæstv. ráðherra gæti í síðustu mínútu sem hann fær hér í andsvari við mig kannski aðeins farið aftur yfir í bílaleigubílana. Spurningin er bara einföld: Er ekki ástæða til að skoða þetta mál einhvern veginn ofan í kjölinn ef þessir 9,8 milljarðar kr. í orkuskipti til bílaleiga hafa ekki skilað sér með þeim hætti sem ráð var gert fyrir? Er ekki full þörf á einhverri skoðun á því máli af hálfu hæstv. ráðherra?