fjárlög 2027 Frú forseti. Ég þakka hæstv. félags- og húsnæðismálaráðherra fyrir greinargott svar. Ég er með aðra spurningu sem ég vil bera undir hæstv. ráðherra. Öflugt stuðningskerfi við fjölskyldur er ein mikilvægasta forsenda þess að fólk geti tekist á við ólíkar aðstæður í lífinu og tryggt börnum sínum góð uppvaxtarskilyrði. Í fjárlagafrumvarpinu er áfram lögð áhersla á stuðning við fjölskyldur og börn, m.a. með barnabótum og félagslegum stuðningi. Mig langar að spyrja hæstv. ráðherra: Hverjar telur hann vera mikilvægustu áherslur frumvarpsins á þessu sviði og hvernig munu þær styrkja stöðu fjölskyldna hér á landi?