breyting á ýmsum lögum vegna fjárlaga 2027 Virðulegur forseti. Mig langar að halda áfram á þessum nótum við virðulegan þingmann og spyrja hana hvort ekki teljist ósanngjarnt að vera með þennan samanburð, af því að það er auðvitað þannig að þjóðin er að eldast. Okkur er að fjölga. Á ekki að taka það inn í þennan samanburð sem hún nefnir? Það gleymist oft í þessu að landsmönnum er að fjölga og það eru auðvitað fleiri sem þurfa hjúkrunarrými og fleiri sem þurfa þjónustu frá ríkinu. Þegar hún er að tala um þennan samanburð gleymist það svolítið. Það er hagræðing upp á 44 milljarða í fjárlagafrumvarpinu og svo tekjuauki upp á 27 milljarða. Ég ætla að spyrja hana að því, ef hún tæki við þessu búi þar sem eru 866 milljarðar í hallarekstri frá 2019, eins og hér hefur komið fram — við erum að borga 168 milljarða í vaxtagjöld núna bara vegna þess að ríkisútgjöldin, sem komu vegna efnahagsáfalla sem hér urðu, voru tekin að láni og nú er sem sagt komið að skuldadögum — sér hún einhverja aðra leið en að fara bara í hreinan niðurskurð?