breyting á ýmsum lögum vegna fjárlaga 2027 Frú forseti. Já, hin leiðin er auðvitað verðmætasköpun. Hin leiðin er að gefa atvinnulífinu súrefni. Ég svaraði því nú ekki áðan en ég er að taka stöðu með almenningi með því að vera ekki að skattpína þjóðina í drep. Það er ekkert alveg ósanngjarnt að vera að tala hér um hlutfall af vergri landsframleiðslu, ég get alveg skilið það. En þegar við erum með ríkissjóð sem er í þeirri stöðu sem er núna og ríkisstjórn sem segist vera að taka til, þá verð ég bara að benda á: Af hverju er ekki farin sú leið að draga meira úr ríkisútgjöldum og — við erum að tala um 1% og það hefði ekki þurft að hækka skatta á neinn. Finnst okkur það ósanngjörn krafa? Nei, þið eruð ekki að stunda aðhaldssöm fjárlög og aðhaldið upp á 44 milljarða, það er forgangsröðun. Það er forgangsröðun ykkar að fresta framkvæmdum. Þetta er ekki aðhald, þetta er bara forgangsröðun.